ଜିଲ୍ଲା ପ୍ରତିଭା ପୂଜା ସଂସଦ ପକ୍ଷରୁ ପୋଲିସକୁ ଗ୍ଲୋବ୍ସ ବଂଟନ
କେନ୍ଦ୍ରାପଡା (ଚିତ୍ତରଞ୍ଜନ ଦାସ) : ଜିଲ୍ଲା ପ୍ରତିଭା ପୂଜା ସଂସଦ ପକ୍ଷରୁ ଶନିବାର ହ୍ୟାଣ୍ଡ ଗ୍ଲୋବସ ବଂଟନ କରାଯାଇଛି । ସଂସଦର ସଭାପତି ପ୍ରଦୀପ କୁମାର ମହାନ୍ତି ସଦର ଥାନା ପରିସରରେ ଥାନା ଅଧିକାରୀ ପ୍ରମୋଦ କୁମାର ମଲ୍ଲିକଙ୍କୁ ପୋଲିସ କର୍ମଚାରୀମାନଙ୍କ ନିମନ୍ତେ ହ୍ୟାଣ୍ଡ ଗ୍ଲୋବସ ପ୍ୟାକେଟ ପ୍ରଦାନ କରିଛନ୍ତି । ଦିନରାତି ନିଜର କର୍ତ୍ତବ୍ୟ ସଂପାଦନ ସମୟରେ ପୋଲିସ କର୍ମଚାରୀମାନଙ୍କ ନିମନ୍ତେ କରୋନା ଭୂତାଣୁ ସଂକ୍ରମଣରୁ ସୁରକ୍ଷା ପ୍ରଦାନ ନିମନ୍ତେ ଏହି ହ୍ୟାଣ୍ଡ ଗ୍ଲୋବସର ନିତ୍ୟାନ୍ତ ଆବଶ୍ୟକତା ରହିଛି ବୋଲି ଶ୍ରୀ ମହାନ୍ତି କହିଛନ୍ତି । ଶ୍ରୀ ମହାନ୍ତିଙ୍କ ସହିତ ସାମ୍ବାଦିକ ଚିତ୍ତରଞ୍ଜନ ଦାସ ହ୍ୟାଣ୍ଡ ଗ୍ଲୋବସ ପ୍ରଦାନ ସମୟରେ ଉପସ୍ଥିତ ଥିଲେ ।
