ଜିଲ୍ଲା ସ୍ତରୀୟ ବିଶ୍ୱ ଶିଶୁ ଦିବସ ପାଳିତ

ଛତ୍ରପୁର, (ଯୁଗାବ୍ଦ ନ୍ୟୁଜ):ୟୁଥ ଫର ସୋସିଆଲ ଡେଭେଲପମେଣ୍ଟ ଓ ଇଉନିସେଫର ସହଯୋଗରେ ଜିଲ୍ଲା ସ୍ତରୀୟ ବିଶ୍ୱ ଶିଶୁ ଦିବସ ଛତ୍ରପୁର ସ୍ଥିତ ଜିଲ୍ଲା ସମଗ୍ର ଶିକ୍ଷା କାର୍ଯ୍ୟଳୟ ଠାରେ ପାଳନ ହୋଇ ଯାଇଅଛି।ସରପଞ୍ଚ,ସମିତି ସଭ୍ଯ,ଶିକ୍ଷକ, ଶିକ୍ଷାର୍ଥୀ,ସ୍ଵେଛାସେବୀ ଅନୁଷ୍ଠାନ ଓ ପ୍ରଶାସନ ର ଅଧିକାରୀ ମାନେ ଉପସ୍ଥିତ ରହିଥିଲେ । ଚଳିତ ବର୍ଷ ସ୍ଥିର କରାଯାଇଥିବା ଉତ୍ସବର ଟ୍ୟାଗଲାଇନ୍ ଥିଲା – ଶିଶୁମାନଙ୍କ ଦ୍ୱାରା ଭବିଷ୍ୟତକୁ ଶୁଣିବାର ଆହ୍ୱାନ ଦେଇଥିଲା। ଏହି କାର୍ଯ୍ୟକ୍ରମର ମୁଖ୍ୟ ଅତିଥି ଭାବେ ଜିଲ୍ଲା ସମାଜ ମଙ୍ଗଳ ଅଧିକାରୀ ଅବିଦା ପରବୀନ, ପଦ୍ମିନୀ ସାହୁ, ପି.ନାଗୋରତ୍ନମ, ଏକ୍ସନ ଏଡ଼ ର ଜିଲ୍ଲା ସଂଯୋଜକ ଦେବବ୍ରତ ମାହୁନ୍ତ, ଶିଶୁ ଯତ୍ନ ସୁରକ୍ଷା ଅଧିକାରୀ ଶରତ ମହାରଣା,ଲିପିକା ସମ୍ପାଦିକା ରଞ୍ଜିତା ଦାସ, ଅରୁଣା ର ମାର୍କଣ୍ଡ ମିଶ୍ର, କ୍ୟୁର୍ସ ର ଅରୁଣ ଶତପଥୀ, ଚନ୍ଦନ କୁମାର ସାହୁ,ବିପ୍ଳବ କୁମାର ବେହେରା ଅତିଥି ଭାବେ ଯୋଗ ଦେଇଥିଲେ ।ଏହି ଅବସରରେ ଶିଶୁ ମାନଙ୍କର ଉନ୍ନତି ପାଇଁ ଏକାଧିକ କିଶୋର/କିଶୋରୀଙ୍କୁ ଶିଶୁ ଅନୁକୂଳ ଗ୍ରାମ ପଞ୍ଚାୟତ ଏବଂବାଲ୍ୟ ବିବାହ ରୋକିବା ଉଦେଶ୍ୟରେ ସମ୍ମାନିତ କରାଯାଇଥିଲା।