ଜୀବନ ଜ୍ୟୋତି କଲେଜରେ ୩୮ତମ ବାର୍ଷିକ ଉତ୍ସବ ଜ୍ୟୋତିରଙ୍ଗ-୧ ପାଳନ

ରାଇକିଆ (ଆଦିତ୍ୟ ପ୍ରସାଦ ପାଢୀ):କନ୍ଧମାଳ ଜିଲ୍ଲା ରାଇକିଆ ବ୍ଲକ ଜୀବନ ଜ୍ୟୋତି କଲେଜ ପରିସରରେ ୩୮ ତମ ବାର୍ଷିକ ଉତ୍ସବ “ଜ୍ୟୋତିରଙ୍ଗ-୧” ବୁଧବାର ଦିନ ପାଳିତ ହୋଇଯାଇଅଛି । କଲେଜର ଅଧ୍ୟକ୍ଷ ପ୍ରାଧ୍ୟାପକ ପ୍ରଭାକର ରାଜୁ ସଭାପତିତ୍ଵ କରିଥିଲେ । ଉକ୍ତ ଉତ୍ସବରେ ମୂଖ୍ୟ ଅତିଥି ଭାବେ କନ୍ଧମାଳ ସାଂସଦ ସୁକାନ୍ତ ପାଣିଗ୍ରାହୀ , ମୁଖ୍ୟବକ୍ତା ତଥା ସଂମ୍ମାନିତ ଅଥିତି ଭାବେ ଜି.ଉଦୟଗିରି ବିଧାୟକ ପ୍ରଫୁଲ ଚନ୍ଦ୍ର ପ୍ରଧାନ, ଅନ୍ୟତମ ସଂମ୍ମାନିତ ଅଥିତି ଭାବେ କନ୍ଧମାଳ ସାଂସଦ ଜିଲ୍ଲା ପ୍ରତିନିଧି ଦୂର୍ଗା ମାଧବ ଆଚାର୍ଯ୍ୟ, ଆଇଟିଡିଏ ଯନ୍ତ୍ରୀ ବୈକୁଣ୍ଠ ନାଥ ବେହେରା, ବରିଷ୍ଠ ଅଧ୍ୟାପକ ପ୍ରାଧ୍ୟାପକ ଉମାକାନ୍ତ ରଥ ପ୍ରମୁଖ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ କନ୍ଧମାଳ ସାଂସଦ ବ୍ଲକ ପ୍ରତିନିଧି ସନ୍ତୋଷ କୁମାର ଲେଙ୍କା , ରାଇକିଆ ବ୍ଲକ ଉପାଧ୍ୟକ୍ଷା ରିନା ପ୍ରଧାନ, ପୂର୍ବତନ ସଭାପତି ରାଜମୋହନ ଦିଗାଳ, ପୂର୍ବତ୍ତନ ଅଧ୍ୟକ୍ଷ ସକର୍ଷଣ ସାହୁ, ଶ୍ରୀଧର ଦାସ, ମାନଗୋବିନ୍ଦ ପ୍ରଧାନ, ବିଜେପି ରାଇକିଆ ବ୍ଲକ ସଭାପତି ସନ୍ତୋଷ କୁମାର ପାତ୍ର ପ୍ରମୁଖ ଯୋଗଦେଇଥିଲେ । ଛାତ୍ରଛାତ୍ରୀ ମାନଙ୍କୁ ଶିକ୍ଷା ବ୍ୟତୀତ ଈର୍ଷା ତ୍ୟାଗ କରି ଗୁରୁଜନଙ୍କୁ ଉଚିତ ସଂମ୍ମାନ ଦେଇ ନିଜକୁ ଲକ୍ଷ୍ୟକୁ ସଫଳ କରିବା ପାଇଁ ଉଚିତ ପରିଶ୍ରମ କରି ଛାତ୍ର ଜୀବନ ଶୃଙ୍ଖଳିତ କରି ଭବିଷ୍ୟତ ଗଡିବା ପାଇଁ ଅତିଥି ମାନେ ପରାମର୍ଶ ଦେଇଥିଲେ । ଶିକ୍ଷା, କ୍ରିଡା ସହ ବିଭିନ୍ନ କ୍ଷେତ୍ରରେ ସଫଳତା ପାଇଥିବା ଛାତ୍ରଛାତ୍ରୀ ମାନଙ୍କୁ ଅତିଥିମାନେ ପୁରଷ୍କୃତ କରିଥିଲେ । ଅଧ୍ୟାପକ ବେଣୁପାଣି ମହାପତ୍ର ସଭା ପରିଚାଳନା କରିଥିଲେ । ଅଧ୍ୟାପିକା ମଞ୍ଜୁଳା ସାହୁ ଅତିଥି ପରିଚୟ ପ୍ରଦାନ କରିଥିଲେ । ଅଧ୍ୟକ୍ଷ ପ୍ରଭାକର ରାଜୁ କଲେଜର ବାର୍ଷିକ ବିବରଣୀ ପଠନ କରିଥିଲେ । ଅନ୍ୟମାନଙ୍କ ମଧ୍ୟରେ ଅଧ୍ୟାପକ ଜଗନ୍ନାଥ ଦାସ, ଡାଃ ସନ୍ତୋଷ କୁମାର ନାୟକ , ଦିଲୀପ କୁମାର ନାୟକ, ସୁକାନ୍ତ ନାୟକ କାର୍ଯ୍ୟକ୍ରମ ପରିଚାଳନା କରିଥିଲେ । ଅଧ୍ୟାପିକା କାଜଲ ଦଳେଇ ଧନ୍ୟବାଦ ଅର୍ପଣ କରିଥିଲେ । ସଭା ଶେଷରେ କଲେଜର ଛାତ୍ରଛାତ୍ରୀ ମାନଙ୍କ ଦ୍ୱାରା ସଂସ୍କୃତିକ କାର୍ଯ୍ୟକ୍ରମ ପରିବେଷଣ କରଯାଇଥିଲା ।