ଜୁଆ ଆଡ୍ଡା ଉପରେ ଚଢାଉ, ୩ ଜୁଆଡି ଗିରଫ

ମୋହନା ,(ଯୁଗାବ୍ଦ ନ୍ୟୁଜ୍) : ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଚାନ୍ଦିପୁଟ ଠାରେ ଶନିବାର ସାପ୍ତାହିକ ହାଟ ଚାଲିଥିବା ସମୟରେ ହାଟ ନିକଟରେ ଅବସ୍ଥିତ ଥିବା ଖୀଷ୍ଟିଆନ୍ ଚର୍ଚ୍ଚ ପଛପଟେ ଏକ ଜୁଆ ଆଡ୍ଡା ଉପରେ ପୋଲିସ ଅତର୍କିତ ଚଢାଉ କରି ଘଟଣା ସ୍ଥଳରୁ ୩ ଜଣ ଜୁଆଡିଙ୍କୁ ଗିରଫ କରିବା ସହ ଚାରି ଗୋଟି ବାଇକ ସମେତ୍ ନଗଦ୍ ୫,୮୦୦ ଟଙ୍କା ଜବତ କରଥିବା ଜଣାପଡିଛି । ଗିରଫ ହୋଇଥିବା ଅଭିଯୁକ୍ତ ମାନଙ୍କ ପରିଚୟ ବୁଡୁଣୀ ଗ୍ରାମର ଭୀମ ମଲ୍ଲିକ ,(୪୬) ,ସଂଜୟ ମଲ୍ଲିକ (୨୫) ,ପନାଗୁଡା ଗ୍ରାମର ସୁନିଲ ବିରୋ (୩୦) ବୋଲି ଜଣାପଡିଛି । ମିଳିଥିବାସୂଚନା ଅନୁଯାୟୀ ଚାନ୍ଦିପୁଟ ଅଂଚଳର ଏକ ବଡ ସାପ୍ତାହିକ୍ ହାଟ ହୋଇଥିବାରୁ ଦୂରାନ୍ତରୁ ପ୍ରବଳ ଲୋକଙ୍କ ଭିଡ ଜମିଥାଏ ଏହାର ସୁଯୋଗ ନେଇ କିଛି ଅସାଧୁ ଲୋକ ଖ୍ରୀଷ୍ଟ୍ରିଆନ ଚର୍ଚ୍ଚ ପଛପଟେ ଦୀର୍ଘଦିନ ଧରି ଜୁଆ ଆଡ୍ଡା ଚଳାଇ ଆସୁଥିଲେ । ଆଜି ମୋହନା ପୋଲିସ କୈାଣସି ବିଶ୍ୱସ୍ଥ ସୂତ୍ରରୁ ଖବର ପାଇ ଉକ୍ତ ସ୍ଥାନରେ ଚଢାଉ କରିଥିଲେ । ଚଢାଉ ସମୟରେ ଅଧିକାଂଶ ଜୁଆଡି ଦୈାଡି ପଳାଇଥିବା ବେଳେ ୩ ଜଣ ଜୁଆଡିଙ୍କୁ ଗିରଫ କରିଥିବା ସୂଚନା ଦେଇଛନ୍ତି ମୋହନା ଥାନା ଅଧିକାରୀ ସୁଜିତ କୁମାର ନାୟକ ।