ଜୁଆ ଆଡ୍ଡା ଜବତ ; ୧୫ ଜୁଆଡି ଗିରଫ

ଦିଗପହଣ୍ଡି,(ୱାଇଏନ୍ଏସ୍): ଦିଗପହଣ୍ଡି ବ୍ଳକ ନାରାୟଣ ପୁର ଗାଁ କୋଠଘର ପଛପଟେ ଚାଲିଥିବା ଜୁଆଆଡ୍ଡା କୁ ପୋଲିସ ସୋମବାର ଅପରାହ୍ନରେ ଜବତ କରିଛନ୍ତି । କେ.ନୂଆଗାଁ ଥାନା ନୂଆପଡ଼ା ଫାଣ୍ଡି ଅଧିକାରୀ ଏ.ଏସ.ଆଇ ବିନୀତ କୁମାର ଶତପଥୀ ସଦଳବଳ ଅତର୍କିତ ଚଢ଼ାଉ କରି ୧୫ ଜୁଆଡ଼ିଙ୍କୁ ଗିରଫ କରିବାସହ ଜୁଆ ଆଡ୍ଡାରୁ ୫୩୧୦ ଟଙ୍କା ଜବତ କରିଛନ୍ତି । ଗିରଫ ଜୁଆଡି ମାନଙ୍କ ବିରୋଧରେ ଥାନା ମାମଲା ନଂ.୨୦୭/୨୦ ଅନୁଯାୟୀ ମକଦ୍ଦମା ରୁଜୁ କରାଯାଇଛି । ଗ୍ରାମ୍ୟ କୋଠଘର ପଛପଟେ ଚାଲିଥିବା ଜୁଆ ଆଡ୍ଡାରୁ ତାସ ମୁଠା, ଜରିପାଲ ଜବତ କରାଯାଇଥିବା ଜଣାପଡିଛି ।