ଜୁଆ ଖେଳ ଉପରେ ଚଢ଼ାଉ,୮ ଗିରଫ

ବେଲଗୁଣ୍ଠା,(ଯୁଗାବ୍ଦ ନ୍ୟୁଜ୍‌):ଗାଙ୍ଗପୁର ଥାନାରେ ଡ଼ିଏସପି ସଂଜୟ ମହାପାତ୍ର ଯୋଗ ଦେବା ପରେ ଜୁଆ ଖେଳ,ଚୋରା ମଦ ଉପରେ ରୋକ ଲଗାଇବା ସହ ଚେକିଂ ବ୍ଳକିଙ୍ଗ କୁ ଜୋରଜାର କରୁଥିବା ଦେଖିବାକୁ ମିଳୁଛି । ଶୁକ୍ରବାର ମଧ୍ୟରାତ୍ରରେ ଗାଙ୍ଗପୁର ଥାନା ଅନ୍ତର୍ଗତ ଖାଇରପୁଟି ଗାଁ ମଝିରେ ଚାଲିଥିବା ଏକ ଜୁଆ ଖେଳ ଉପରେ ଚଢ଼ାଉ କରି ନଗଦ ୪୫୦୦ ଟଙ୍କା ଜବତ କରିବା ସହ ୪ ଜଣଙ୍କୁ ଗିରଫ କରି ୩୮/୨୦ ରେ ମାମଲା ରୁଜୁ କରାଯାଇଛି ।ସେହିପରି ନିମିନା ଗାଁ ଦାଣ୍ଡ ରାସ୍ତା କଡରେ ଜୁଆ ଖେଳ ଉପରେ ଚଢ଼ାଉ କରି ନଗଦ ୨୦୩୦ ଟଙ୍କା ଜବତ କରିବା ସହ ୪ ଜଣକୁ ଗିରଫ କରିଛନ୍ତି।ଏନେଇ ୩୯/୨୦ ରେ ମାମଲା ରୁଜୁ କରି ସମସ୍ତ ଜୁଆଡିଙ୍କୁ ଆସ୍କା କୋର୍ଟ ଚାଲାଣ କରିଥିବା ଥାନା ଅଧିକାରୀ ଧୀରେଶ କୁମାର ଦାସ ପ୍ରକାଶ କରିଛନ୍ତି ।