ଜୁଲାଇରେ ଆସିପାରନ୍ତି ପଙ୍ଗପାଳ

ଭୁବନେଶ୍ୱର: ଆସନ୍ତା ଜୁଲାଇରେ ଓଡ଼ିଶାକୁ ପଙ୍ଗପାଳ ଆସିପାରନ୍ତି । ଏ ସମ୍ପର୍କରେ ସୂଚନା ଦେଇଛନ୍ତି କୃଷି ନିର୍ଦ୍ଦେଶକ ଏମ. ମୁଥୁକୁମାର । ସେ କହିଛନ୍ତି ଯେ, ପଙ୍ଗପାଳ ଓଡ଼ିଶାକୁ ଆସିବେ କି ନାହିଁ ତାହା ଆସନ୍ତା ୪/୫ ଦିନ ଭିତରେ ଜଣାପଡ଼ିବ । ପଙ୍ଗପାଳ ଏବେ ମଧ୍ୟପ୍ରଦେଶର ସାଦେନ ଓ ପଂହା ଜିଲ୍ଲା ଅଛନ୍ତି । ସେଠାରେ ଦୁର୍ବଳ ହୋଇଛନ୍ତି । ତେଣୁ ପଙ୍ଗପାଳ ଆଉ ଛତିଶଗଡ଼ ଆସିବେ ନାହିଁ । ଆମେ ଆଉ ୫ ଦିନ ଅପେକ୍ଷା କରିଛୁ । ଏନେଇ ସବୁ ଦିନ ମନିଟରିଂ କରୁଛୁ । ତେବେ ଜୁଲାଇରେ ଓଡ଼ିଶାକୁ ନୂଆ ପଙ୍ଗପାଳ ଦଳ ଆସିପାରେ ବୋଲି ଜାତିସଂଘ ପକ୍ଷରୁ କୁହାଯାଇଛି । ଏନେଇ କେନ୍ଦ୍ର ସରକାର ମାର୍ଗଦର୍ଶିକା ଦେଇଛନ୍ତି । ଆମେ ଏନେଇ ପଦକ୍ଷେପ ନେବୁ ବୋଲି କୃଷି ନିର୍ଦ୍ଦେଶକ ଏମ.ମୁଥୁକୁମାର କହିଛନ୍ତି ।