ଜେଏମଏଫସି ବିଚାରପତିଙ୍କ ଓଡ଼ିଶା ଆଦର୍ଶ ବିଦ୍ୟାଳୟ ପରିଦର୍ଶନ

ହିଂଜିଳିକାଟୁ, (ଶେଷଦେବ ସାହୁ): ହିଂଜିଳିକାଟୁ ଜେଏମଏଫସି ବିଚାରପତି ରାଜଶ୍ରୀ ପଟ୍ଟନାୟକ ଶୁକ୍ରବାର ପୂର୍ବାହ୍ନରେ ହିଂଜିଳିକାଟୁ ବ୍ଳକ ଶାସନଆମ୍ବଗାଁ ସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟ ପରିଦର୍ଶନ କରିଥିଲେ । ବିଚାରପତି ସୁଶ୍ରୀ ପଟ୍ଟନାୟକ ବିଦ୍ୟାଳୟରେ ପହଞ୍ଚି ଶିକ୍ଷାର୍ଥୀ ମାନଙ୍କ ସହ ଅଧ୍ୟୟନ ସମ୍ପର୍କରେ ପଚାରି ବୁଝିବା ସହ ଆଇନ ସଚେତନତା ସର୍ମ୍ପକରେ ପରାମର୍ଶ ପ୍ରଦାନ କରିଥିଲେ । ଜିଲ୍ଲା ଆଇନ ସେବା ପ୍ରାଧିକରଣ ମାଧ୍ୟମରେ ବିଦ୍ୟାଳୟ ପରିସରରେ ବିଭିନ୍ନ ପ୍ରଜାତିର ବୃକ୍ଷରୋପଣ କରିବା ସହ ବୃକ୍ଷର ଯତ୍ନ ନେବାକୁ ଶିକ୍ଷାର୍ଥୀ ମାନଙ୍କୁ ଶିକ୍ଷାର୍ଥୀ ମାନଙ୍କୁ ପରାମର୍ଶ ଦେଇଥିଲେ । କାର୍ଯ୍ୟକ୍ରମରେ ହିଂଜିଳିକାଟୁ ବନବିଭାଗୀୟ ବିଟ୍ହାଉସ୍ ଭାରପ୍ରାପ୍ତ ଫରେଷ୍ଟର ପ୍ରଦିପ କୁମାର ପଣ୍ଡା , କୁକୁଡ଼ାଖଣ୍ଡି ବନବିଭାଗୀୟ ବିଟ୍ହାଉସ୍ ଭାରପ୍ରାପ୍ତ ଫରେଷ୍ଟର ମିତାରଣୀ ବିଶ୍ୱାସରାୟ, ଗାର୍ଡ଼ କମଳକାନ୍ତ ପାତ୍ର, ନିରାକାର ବେହେରା, ଆଇନଜୀବି ଦ୍ୱିତୀକୃଷ୍ଣ ସାବତ, ଶନ୍ତନୁ ପୋଲାଇ, ବରିଷ୍ଟ କିରାଣୀ ଶିବରାମ ପଟ୍ଟନାୟକ, ସିମାଂଚଳ ପଣ୍ଡା, ସୁରେଶ ଚନ୍ଦ୍ର ଦାଶ ପ୍ରମୁଖ ଉପସ୍ଥିତ ଥିଲେ । କାର୍ଯ୍ୟକ୍ରମକୁ ଓଡ଼ିଶା ଆଦର୍ଶ ବିଦ୍ୟାଳୟର ଅଧ୍ୟକ୍ଷ ଅରୁଣ କୁମାର ପଟେଲ ପରିଚାଳନା କରିଥିବା ବେଳେ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ ଓ କର୍ମଚାରୀ ପରିଚାଳନାରେ ସହଯୋଗ କରିଥିଲେ ।