ଜୈବିକ କୃଷକ ସମ୍ମିଳନୀ ଆୟୋଜିତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ସେଞ୍ଚୁରିଅନ୍ ୟୁନିଭରସିଟି ଅଫ୍ ଟେକ୍ନୋଲୋଜି ଆଣ୍ଡ ମ୍ୟାନେଜମେଣ୍ଟ, ଜୈବିକ ତଥା ପ୍ରାକୃତିକ କୃଷି ଆଞ୍ଚଳିକ କେନ୍ଦ୍ର , ଭୁବନେଶ୍ୱର ସହଯୋଗରେ ସେଞ୍ଚୁରିଅନ୍ ୟୁନିଭରସିଟି ଅଫ୍ ଟେକ୍ନୋଲୋଜି ଆଣ୍ଡ ମ୍ୟାନେଜମେଣ୍ଟ, ଆଲୁରି ନଗର, ଆର ସୀତାପୁର, ଗଜପତି – ଓଡିଶା ରେ ଏକ ଜୈବିକ କୃଷକ ସମ୍ମିଳନୀ ଆୟୋଜନ କରିଛନ୍ତି। ଏହି କାର୍ଯ୍ୟକ୍ରମ ରେ ଗଜପତି ଜିଲ୍ଲାର ବିଭିନ୍ନ ଗ୍ରାମରୁ ପ୍ରାୟ ୫00 କୃଷକ ଅଂଶଗ୍ରହଣ କରି ସେମାନଙ୍କ ଅଭିଜ୍ଞତା ବାଣ୍ଟିଛନ୍ତି |ଉଦ୍ଘାଟନୀ ସମାରୋହରେ ଡକ୍ଟର ଭି. ବିରେନ୍ଦ୍ର କୁମାର ଭର୍ମା, (ନିର୍ଦ୍ଦେଶକ, ଜୈବିକ ତଥା ପ୍ରାକୃତିକ କୃଷି ଆଞ୍ଚଳିକ କେନ୍ଦ୍ର, ଭୁବନେଶ୍ୱର, ଡକ୍ଟର ବାଚସ୍ପତି ପାଣ୍ଡେ, (ବରିଷ୍ଠ ସାଇଣ୍ଟିଫିକ ଅଧିକାରୀ), ଡକ୍ଟର ଅନୀତା ପାତ୍ର, ରେଜିଷ୍ଟ୍ରାର (CUTM), ଡକ୍ଟର ଏସପି ନନ୍ଦ (ଡିନ୍ ଆଡମିନିଷ୍ଟ୍ରେସନ ସ୍କୁଲ ଅଫ୍ ଏଗ୍ରିକଲଚର), ଡକ୍ଟର ଦୁର୍ଗା ପ୍ରସାଦ ପାଢ଼ୀ – (ନିର୍ଦ୍ଦେଶକ ପ୍ରଶାସନ, CUTM), ଡକ୍ଟର ଏସ କାମେଶ୍ୱର ରାଓ, (ଡେପୁଟି ରେଜିଷ୍ଟ୍ରାର, ଟ୍ରେନିଂ ଆଣ୍ଡ ପ୍ଲେସମେଣ୍ଟ, CUTM) ଉପସ୍ଥିତ ଥିଲେ। ଜୈବିକ କୃଷକ ସମ୍ମିଳନୀ ର ମୂଳ ଲକ୍ଷ୍ୟ ଥିଲା କୃଷକମାନଙ୍କୁ ଜୈବିକ କୃଷି ବିଷୟରେ ଅବଗତ କରାଇବା ଏବଂ ଏହାର ବ୍ୟାଖ୍ୟା କରିବା ସହିତ ପରିବେଶ ଏବଂ ପରିବେଶ ଅନୁକୂଳ କୃଷି ସଂରକ୍ଷଣ ଉପରେ ଗୁରୁତ୍ୱ ଦେବା |ଡକ୍ଟର ଏକାଦାଶି ନନ୍ଦୀ, (ଅବସରପ୍ରାପ୍ତ ମୁଖ୍ୟ ସୀଡ୍ ସାର୍ଟିଫିକେସନ୍ ଅଫିସର, ଓଡ଼ିଶା ସୀଡ଼ ସାର୍ଟିଫିକେସନ୍ ଏଜେନ୍ସି) ଏବଂ ଡକ୍ଟର ସଂଗ୍ରାମ ପରମଗୁରୁ, (ମୁଖ୍ୟ, କୃସି ବିଜ୍ଞାନ କେନ୍ଦ୍ର, ପାରଳାଖେମୁଣ୍ଡି, ଗଜପତି) ଜୈବିକ ଚାଷର ପଦ୍ଧତି ଏବଂ କୌଶଳ ଉପରେ ସେମାନଙ୍କର ବାର୍ତ୍ତା ପ୍ରଦାନ କରିଥିଲେ।ଡକ୍ଟର ଶୁଭ୍ରମୟ ନାୟକ (ସହକାରୀ ପ୍ରଫେସର) ଙ୍କ ମାର୍ଗଦର୍ଶନ ରେ ବିବିଏ ଏବଂ ଏମଏସସି ଏକ୍ସଟେନ୍ସନ୍ ଛାତ୍ରଛତ୍ରୀ ମାନେ ଏହି କାର୍ଯ୍ୟକ୍ରମରେ ସ୍ଵେଚ୍ଛାସେବୀ ଭାବେ ଅଂଶଗ୍ରହଣ କରିଥିଲେ। ଭବିଷ୍ୟତରେ ଚାଷୀଙ୍କ ପାଇଁ ଏଭଳି କାର୍ଯ୍ୟକ୍ରମ ଆୟୋଜନ କରାଯିବାର ଯୋଜନା ରହିଛି । ଶେଷରେ ଧନ୍ୟବାଦ ପ୍ରଦାନ ସହିତ କାର୍ଯ୍ୟକ୍ରମ ସମାପ୍ତ ହୋଇଥିଲା |