ଜ୍ଞାନବିଜ୍ଞାନ ମେଳା ୯୫ଟି ପ୍ରକଳ୍ପ ସ୍ଥାନିତ

ହିଞ୍ଜିଳିକାଟୁ,(ଶେଷଦେବ ସାହୁ):ହିଞ୍ଜିଳିକାଟୁ ପୌରାଞ୍ଚଳ ବୃନ୍ଦାବନ ସରକାରୀ ଉଚ୍ଚ ବିଦ୍ୟାଳୟରେ ସୋମବାର ଜ୍ଞାନବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି ସଭାପତି ତଥା କାଉନସିଲର ବିଭୁପ୍ରସାଦ ପଣ୍ଡା ଯୋଗଦେଇ ଆୟୋଜିତ ମେଳାକୁ ଶୁଭ ଉଦଘାଟନ କରିଥିଲେ । ଆୟୋଜିତ ମେଳାରେ ୯୫ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା । ବିଚାରକ ଭାବେ କେନ୍ଦ୍ରୀୟ ବିଦ୍ୟାଳୟ ବିଜ୍ଞାନ ଶିକ୍ଷକ ଲୋକନାଥ ପାଢି ଓ ସୁଜନ ଦାଶ ଯୋଗଦେଇ ପ୍ରକଳ୍ପ ଗୁଡିକର ମାନ ପରଖିଥିଲେ । ଧାରଣୀୟ ଭବିଷ୍ୟତ ନିମନ୍ତେ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ସର୍ମ୍ପକରେ ଆଧାରିତ ଥିବାରୁ ଖୁସିବ୍ୟକ୍ତ କରିଥିଲେ । ଉପସ୍ଥିତ ଅତିଥି ଓ ବିଚାରକ ମାନେ ଶ୍ରେଷ୍ଠ ପଦର୍ଶନ କରିଥିବା ପ୍ରକଳ୍ପର ଶିକ୍ଷାର୍ଥୀଙ୍କୁ ପୁରସ୍କାର ପ୍ରଦାନ କରିଥିଲେ । ଶିକ୍ଷକ ଉପେନ୍ଦ୍ର ସାବତ, ବୈକୁଣ୍ଠନାଥ ପାଠି, ସିଆରସିସି ଅଖିଳ କୁମାର ପଣ୍ଡା, ଶିକ୍ଷୟତ୍ରୀ ସୁଜତା ପ୍ରଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ରଶ୍ମିତା ପାଢି, ଦିପ୍ତିମୟୀ ପଟ୍ଟନାୟକ, ପ୍ରତିଭା ପାଣିଗ୍ରାହୀ, ପୁଷ୍ପିତ ବେହେରା, ଗାୟତ୍ରୀ ମହାପାତ୍ରଙ୍କ ସମେତ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ ସହଯୋଗ କରିଥିଲେ ।