ଜୟଦୁର୍ଗା ଫାଉଣ୍ଡେସନ ସମ୍ବର୍ଦ୍ଧିତ

ହାଟଡ଼ିହି,(ବିକାଶ ବିଶ୍ୱାଳ):ହାଟଡ଼ିହିର ଅଗ୍ରଣୀ ସ୍ବେଛାସେବୀ ସଂଗଠନ ଜୟଦୁର୍ଗା ଫାଉଣ୍ଡେସନ ଟ୍ରଷ୍ଟର କାର୍ଯ୍ୟକଳାପକୁ ଦୃଷ୍ଟିରେ ରଖି ଉତ୍କଳ. ଫାଉଣ୍ଡେସନ ଟ୍ରଷ୍ଟ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ଭଣ୍ଡାରିପୋଖରୀ ସ୍ଥିତ କଲ୍ୟାଣ ମଣ୍ଡପ ଠାରେ ଆମ ଉତ୍କଳ ଫାଉଣ୍ଡେସନ ଟ୍ରଷ୍ଟ ଆନୁକୂଲ୍ୟରେ ଶିକ୍ଷା, ସେବାରଅଲୋଚନା ଚକ୍ର ସହ ସଙ୍ଗୀତ, ନୃତ୍ୟର ଆସର, ସମ୍ବର୍ଦ୍ଧନା ସମାରୋହ ଉତ୍ସବରେ ମୁଖ୍ୟଅତିଥି ଭାବେ ଭଣ୍ଡାରିପୋଖରୀ ବିଧାୟକ ସଞ୍ଜୀବ ମଲ୍ଲିକ ସତନ୍ତ୍ର ଅତିଥିଭାବେ ଭଦ୍ରକ ଜିଲ୍ଲାପାଳ ଦିଲ୍ଲୀପ ରାଉତରାୟ, ବିଶିଷ୍ଟ ଅତିଥିଭାବେ ପୂର୍ବତନ ମନ୍ତ୍ରୀ, ପୂର୍ବତନ ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକ, ମୁଖ୍ୟବକ୍ତା ଭାବେ ଅମୃତ ଦର୍ଶନର ସମ୍ପାଦକ ପଣ୍ଡିତ ସଂଗ୍ରାମ ଅଚାର୍ଯ୍ୟ, ଓ ସମ୍ମାନିତ ଅତିଥି ଅଶ୍ରୁମୋଚନ ମହାନ୍ତି, ପ୍ରବଚକ ପ୍ରଦ୍ୟୁମ୍ନ ଜେନା, ଓଡ଼ିଆ ସିନେତାରକା ଦେବସ୍ମିତା ମହାପାତ୍ର ପ୍ରମୁଖ ଯୋଗ ଦେଇ ଜୟଦୁର୍ଗା ଫାଉଣ୍ଡେସନ ଟ୍ରଷ୍ଟକୁ ଉତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ। ଜୟଦୁର୍ଗା ଫାଉଣ୍ଡେସନ ଟ୍ରଷ୍ଟର ଉପ ସଭାପତି ଅବିନାଶ ତ୍ରିପାଠୀ, ଅନ୍ନପୂର୍ଣ୍ଣା ସାହୁ, ସନ୍ତୋଷ ଖୁଣ୍ଟିଆ, ସୁଶାନ୍ତ ସାମଲ, ଦେବାଶିଷ ଦାସ ପ୍ରମୁଖ ଅତିଥିଙ୍କ ଠାରୁ ସମ୍ମାନପତ୍ର ଗ୍ରହଣ କରିଥିଲେ।