ଜୟ ଜଗନ୍ନାଥ ବ୍ଲକ ସଙ୍କୀର୍ତ୍ତନ କଳା ପରିଷଦର ପ୍ରସ୍ତୁତି ବୈଠକ
ବରୀ, (ଚୈତନ୍ୟ ଜେନା):ରବିବାର ପୂର୍ବାହ୍ନରେ ଜୟ ଜଗନ୍ନାଥ ବ୍ଲକ ସଙ୍କୀର୍ତ୍ତନ କଳା ପରିଷଦ, ବରୀର ଅଷ୍ଟମ ବାର୍ଷିକ ସାଧାରଣ ବୈଠକ ସଂସଦର ସଂଯୋଜକ ନଟବର ମାହାନ୍ତିଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି । ଉକ୍ତ ବୈଠକରେ ପରିଷଦର ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ଉପରେ ଆଲୋଚନା କରାଯାଇଥିଲା। ପ୍ରତିବର୍ଷ ଭଳି ଚଳିତ ବର୍ଷର ବାର୍ଷିକ ଉତ୍ସବ ପାଳନ ଉପଲକ୍ଷେ ପ୍ରସ୍ତୁତି ଆଲୋଚନା କରାଯାଇ କାର୍ଯ୍ୟପନ୍ଥା ସ୍ଥିର କରାଯାଇଛି। ଆସନ୍ତା ବାର୍ଷିକ ଉତ୍ସବରେ ଶତାଧିକ ସଙ୍କୀର୍ତ୍ତନ ଦଳ ମାନଙ୍କୁ ନିମନ୍ତ୍ରଣ କରାଯିବାକୁ ସ୍ଥିର କରାଗଲା। ଉତ୍ସଵର ସ୍ଥାନ ଓ ସମୟ ସଂସଦର ଆଗାମୀ ଡିସେମ୍ବର ୧ ତାରିଖରେ ହେବାକୁ ଥିବା ସ୍ବତନ୍ତ୍ର ବୈଠକରେ ସ୍ଥିର କରାଯିବ। ବୈଠକରେ ଆନ୍ୟ ମାନଙ୍କ ମଧ୍ୟରେ ନିଳମଣି ଦାସ, ବିଜୟ କୁମାର ଜେନା, ଚକ୍ରଧର ସାମଲ, ଅନାଦି ଜେନା, ଅମୂଲ୍ୟ ମଲିକ, ଭରତ ଜେନା, ବୁଲା ପୁଷ୍ଟି, ପ୍ରଫୁଲ୍ଲ ଦେହୁରି, ଦିବାକର ପଣ୍ଡା, ମିନତି ଜେନା, ରିନା ବେହେରା, ନୟନା ବେହେରା, ଦାଶରଥି ଜେନା, ନନ୍ଦ କିଶୋର ଜେନା, ଭରତ ମଳିକ, ବିଚିତ୍ରା ନନ୍ଦ ଜେନା ପ୍ରମୁଖ ଅଂଶଗ୍ରହଣ କରିଥିଲେ।
