ଝିଅ ଛାଡିବା ପାଇଁ ଯାଉଥିବା ବେଳେ କନ୍ୟାଘରର ଯାତ୍ରୀବାହୀ ଅଟୋ ଦୃର୍ଘଟଣା, ୮ଆହତ, ୩ ଗୁରୁତର

ଛତ୍ରପୁର, (ଦେବଦତ୍ତ ମହାରଣା):ଗଞ୍ଜାମ ଥାନା ନିକଟ ଜାତୀୟ ରାଜପଥ ୧୬ ରେ ଏକ ଯାତ୍ରାବାହି ଅଟୋ ଭାରସ୍ୟାମ ହରାଇ ଦୃର୍ଘଟଣା ହୋଇଛି । ଏଥିରେ ମହିଳା,ଶିଶୁ ସମେତ ୮ ଜଣ ଆହତ ହୋଇଛନ୍ତି ସେଥିରୁ ୩ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବ୍ରହ୍ମପୁର ମେଡିକାଲକୁ ପଠାଯାଇଛି । ସୂଚନା ଥାଉକି ଆଇଆରଇ ଜଗନ୍ନାଥ ମନ୍ଦିରରେ ବାହାଘର ସରିବା ପରେ ସୁନ୍ଦରପୁର ଅଚଂଳର କନ୍ୟାଘର ଲୋକ ତିନୋଟି ଅଟୋ ଯୋଗେ ପୁଅଘର ପାଲୁରଗଡ ଅଚଂଳକୁ ଯାଉଥିଲେ । ସେଥିମଧ୍ୟରୁ ଗୋଟିଏ ଅଟୋରେ ୧୦ ରୁ ୧୨ ଜଣ ବସି ଯାଉଥିବା ବେଳେ ଗଞ୍ଜାମ ଥାନା ନିକଟ ଜାତୀୟ ରାଜପଥ ୧୬ ରେ ଅଟୋ ଭାରସ୍ୟାମ ହରାଇ ରାସ୍ତାରେ ଓଲିଟି ପଡିଥିଲା ଏଥରେ ଶିଶୁ, ମହିଳା ସମେତ ୮ଜଣ ଆହାତ ହୋଇଥିଲେ । ତୁରନ୍ତ ଦୁଇଟି ୧୦୮ ଆମ୍ବୁଲାନ୍ସ ଯୋଗେ ଛତ୍ରପୁର ମେଡିକାଲକୁ ଅଣାଯାଇଥିଲା । ଆହତମାନେ ହେଲେ ସୁକାନ୍ତି ବେହେରା, ସନ୍ୟାସି ବେହେରା,ପ୍ରଫୁଲ ବେହେରା,ସୁଦେଷ୍ଣା ବେହେରା, ଶିବାଜୀ ବେହେରା, ଏଲିନା ବେହେରା,ବୁଡୁ ବେହେରା ଓ ଅଟୋ ଚାଳକ ସୁନ୍ଦରପୁରର ପ୍ରଫୁଲ ସେଠୀ । ସମସ୍ତ ଆହାତ ତାରାତାରିଣି ଦାମଦରପଲ୍ଲୀ ଓ ସୁନ୍ଦରପୁର ଅଚଂଳର । ସମସ୍ତେ କନ୍ୟାଘରର ସଂପର୍କୀୟ ଅଟନ୍ତି । ବାହାଘର କାର୍ଯ୍ୟ ସରିବା ପାରେ ଝିଅ ଛାଡିବା ପାଇଁ ପାଲୁରଗଡ ଯାଉଥିଲେ । ସୁକାନ୍ତି ବେହେରା, ସନ୍ୟାସି ବେହେରା ଓ ବୁଡୁ ବେହେରାଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବ୍ରହ୍ମପୁର ପଠାଯାଇଛି ।