ଟାଟାଷ୍ଟିଲ କମ୍ପାନୀ ପକ୍ଷରୁ ମାଗଣା ସ୍ୱାସ୍ଥ୍ୟ ଶିବିର

ଯୋଡ଼ା, (ଯୁଗାଦ୍ଦ ନ୍ୟୁଜ): କେନ୍ଦୁଝର ଜିଲ୍ଲା ଯୋଡ଼ା ପୌରପାଳିକାର ବାଂଶପାଣି ଗ୍ରାମ କୁଡ୍ରୁ ସାହିର  ଅଙ୍ଗନୱାଡ଼ି କେନ୍ଦ୍ରରେ  ଟାଟା ଷ୍ଟିଲ କମ୍ପାନୀ ପକ୍ଷରୁ ମଙ୍ଗଳବାର ଏକ ଦିନିକିଆ ମାଗଣା ସ୍ୱାସ୍ଥ୍ୟ ଶିବିର ଆୟୋଜିତ ହୋଇଯାଇଛି । ଟାଟା ଷ୍ଟିଲ ଗ୍ରାମୀଣ ବିକାଶ ସଂସ୍ଥା (ଟିଏସ୍ଆରଡିଏସ୍)ର ଦୁଇ ଜଣ ଡାକ୍ତରଙ୍କ ଦ୍ୱାରା ପରିଚାଳିତ ହୋଇଥିଲା । ଏହି ଦିନିକିଆ ମାଗଣା ସ୍ୱାସ୍ଥ୍ୟ ଶିବିରରେ କୁଡ୍ରୁ ସାହି ୱାର୍ଡ଼ ନମ୍ବର ୧୧ର ୧୧୬ ଜଣ ରୋଗୀ ସ୍ୱାସ୍ଥ୍ୟସେବା ଲାଭ କରିଥିଲେ । ଉକ୍ତ ଶିବିରରେ ଡାକ୍ତରମାନେ ରୋଗୀମାନଙ୍କୁ ପରାମର୍ଶ ପ୍ରଦାନ କରିବା ସହିତ ମାଗଣା ଔଷଧ ଯୋଗାଇ ଦେଇଥିଲେ ।