ଟିଲୋ ହାଇସ୍କୁଲରେ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ
ବନ୍ତ,(ଯୁଗାଦ୍ଧ ନ୍ୟୁଜ୍) : ଶୁକ୍ରବାର ବନ୍ତ ବ୍ଲକ ଟିଲୋ ସରକାରୀ ଉଚ୍ଚ ବିଦ୍ୟାଳୟ ପରିସରରେ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷକ କୃଷ୍ଣ ଚନ୍ଦ୍ର ପାଢୀଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ସିଆରସିସି ସୁକାନ୍ତ କୁମାର ବେହେରା, ମହତାବ ମଇ ବିଦ୍ୟାଳୟର ପ୍ରଧାନ ଶିକ୍ଷକ ରମାକାନ୍ତ ଜେନା, ଏସ୍.ଏମ୍.ସି ଅଧ୍ୟକ୍ଷ ଚନ୍ଦ୍ର ଶେଖର ଧଳ, ନାଏବ ସରପଞ୍ଚ ଅବ୍ୟର୍ଥ ଧଳ, ସନ୍ତୋଷ କୁମାର ଜେନା ପ୍ରମୁଖ ଯୋଗ ଦେଇ କାର୍ଯ୍ୟକ୍ରମର ଉଦ୍ଦେଶ୍ୟ ସଂପର୍କରେ ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ୧୬ଟି ବିଦ୍ୟାଳୟରୁ ଆସିଥିବା ୧୧୧ ଜଣ ଛାତ୍ରଛାତ୍ରୀଙ୍କ ମଧ୍ୟରେ ବକୃତା, ତର୍କ, କୁଇଜ୍, ସଙ୍ଗୀତ, ଚିତ୍ରାଙ୍କନ, ହସ୍ତାକ୍ଷର, ଶ୍ରୁତଲିଖନ, ଦଳଗତ ଓ ସାଂସ୍କୃତିକ କାର୍ଯ୍ୟକ୍ରମ ଏବଂ ମଧ୍ୟାହ୍ନଭୋଜନ ସମ୍ପର୍କୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କୁମୁଦିନୀ ପ୍ରଧାନ, ଜୟନ୍ତୀ ମହାନ୍ତି, ଅରୁଣ କୁମାର ଜେନା, ବିବେକାନନ୍ଦ ସାହୁ, କେଦାର ଦାସ, ସଞ୍ଜୟ ଦାଶ, ପଙ୍କଜ ଦାସ, ସୌମିତ୍ରୀ କର, ନିର୍ମଳ ନାୟକ, ସୃଜତିକୃଷ୍ଣ ବେହେରା ବିଚାରକ ଭାବେ ଦାୟୀତ୍ୱ ତୁଲାଇଥିଲେ । କାର୍ଯ୍ୟକ୍ରମ ପରିଚାଳନାରେ ପ୍ରଫୁଲ ବାରିକ, ଉଷାଲତା ମହାପାତ୍ର, ଅଲିଭା ପଣ୍ଡା, ଗୌରୀବାଳା ପାତ୍ର, ବସୁନ୍ଧରା ଜେନାଙ୍କ ସମେତ ସମସ୍ତ ଶିକ୍ଷକ, ଶିକ୍ଷୟିତ୍ରୀ ମାନେ ସହାୟତା କରିଥିଲେ ।
