ଟ୍ରକ ବ୍ୟବସାୟୀ ପ୍ରଶାନ୍ତ ଜେନାଙ୍କ ଅକାଳ ବିୟୋଗ

ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଶାସଙ୍ଗ ପଞ୍ଚାୟତ ଚୋରଗଡିଆ ଗ୍ରାମର ଶିକ୍ଷାବିତ ହାଡିବନ୍ଧୁ ଜେନାଙ୍କ ପୁଅ ତଥା ଟ୍ରକ ବ୍ୟବସାୟୀ ପ୍ରଶାନ୍ତ କୁମାର ଜେନାଙ୍କ ୫୨ବର୍ଷ ବୟସରେ ଅକାଳ ବିୟୋଗ ଘଟିଛି । ଆଜି ସକାଳେ ନିଜ ପୁଅକୁ ଭୁବନେଶ୍ୱର ବସରେ ଚଢ଼ାଇଦେବା ପାଇଁ ଭୋର ସମୟରୁ ଉଠି ଶୌଚପାଇଁ ପାଇଖାନାକୁ ଯାଇଥିବାବେଳେ ହଠାତ ସେଠାରେ ଟଳିପଡିଥିଲେ । ପରିବାର ଲୋକ ତାଙ୍କୁ ଉଦ୍ଧାରକରି ଆନନ୍ଦପୁର ଡାକ୍ତରଖାନା ନେଇଥିବାବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେ ଜଣେ ପରୋପକାରୀ, ମିଷ୍ଠଭାଷି ବ୍ୟକ୍ତି ଭାବେ ଜଣାଶୁଣା ଥିଲେ । ତାଙ୍କ ପରଲୋକ ଖବର ପ୍ରଚାରିତ ହେବାପରେ ଡାକ୍ତରଖାନାରେ ଶହଶହ ଲୋକଙ୍କ ଭିଡ ଜମିଥିଲା । ସେଠାରେ ତାଙ୍କର ଶବ ବ୍ୟବଚ୍ଛେଦ କରି ମରଶରୀରକୁ ଘରକୁ ଅଣାଯିବା ପରେ ଜିଲ୍ଲାପରିଷଦ ସଦସ୍ୟ ବିମ୍ବାଧର ବିଶ୍ୱାଳ, ମାର୍କଣ୍ଡ ଚରଣ ଓଝା, ଇଂ ରବିନ୍ଦ୍ର କୁମାର ସାହୁ, ସମାଜସେବୀ ନାରାୟଣ ଜେନା, କ୍ଷୀରୋଦ ସାହୁ, ପ୍ରତାପ ସାହୁ, ଶାସଙ୍ଗ ପଞ୍ଚାୟତର ସରପଞ୍ଚ ମଧୁମିତା ସ୍ୱାଇଁ, ସୁଶାନ୍ତ କୁମାର ଓଝା, ସୁଧାଶୁଂ ବିଶ୍ୱାଳ, କୋଦଣ୍ଡଧର ଦାସ, ରବିନ ପାଢ଼ୀ, ଦିଲ୍ଲିପ ସାମଲ, ପର୍ଶୁରାମ ସାମଲ, ବଳରାମ ବିଶ୍ୱାଳ, ରମେଶ ଦାସ, ଅଜିତ ସ୍ୱାଇଁଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ମରଶରୀରେ ପୁଷ୍ପମାଲ୍ୟ ଅର୍ପଣ କରିବା ସହିତ ପରିବାର ବର୍ଗଙ୍କୁ ସମବେଦନା ଜଣାଇଥିଲେ । ପରେ ତାଙ୍କ ମରଶରୀରକୁ ଗ୍ରାମ ପରିକ୍ରମା କରିବାପରେ ଗାଁ ସ୍ମଶାନରେ ଶେଷକୃତ୍ତ୍ୟ ସମ୍ପର୍ଣ୍ଣ କରାଯାଇଥିଲା ।