ଟ୍ରାକ୍ଟର ଗ୍ୟାରେଜ ରୁ ଚୋରୀ ଘଟଣା ଲୁଟ ସାମଗ୍ରୀ ଜବତ, ଜଣେ ଗିରଫ

ହିଞ୍ଜିଳିକାଟୁ, (ଶେଷଦେବ ସାହୁ):ଗୁରୁବାର ବିଳମ୍ବିତ ରାତିରେ ୫୯ ନମ୍ବର ଜାତୀୟ ରାଜପଥ ପ୍ବାର୍ଶ ତଥା ଆରଏମସି ଛକ ନିକଟରେ ଥିବା ଏକ ଟ୍ରାକ୍ଟର ଗ୍ୟାରେଜରୁ ଚୋରି ହୋଇଥିଲା। ଶୁକ୍ରବାର ସକାଳେ ଗ୍ୟାରେଜ ମାଲିକ ହିଞ୍ଜିଳି ଥାନା ରାଳବ ଗ୍ରାମର ଜିଲୁ ବରାଳ ଗ୍ୟାରେଜ ଆସିବା ପରେ ଚୋରି ହୋଇଥିବା ଜାଣିପାରି ହିଞ୍ଜିଳି ଥାନାରେ ଅଭିଯୋଗ କରିଥିଲେ । ଅଭିଯୋଗ ଭିତ୍ତିରେ ହିଞ୍ଜିଳି ଥାନା କେସ ନମ୍ବର ୩୩୭/୨୩ରେ ଏକ ମାମଲା ରୁଜୁ କରି ପୁଲିସ ଘଟଣାର ତଦନ୍ତ ଚଳାଇଥିଲା । ରବିବାର ଗ୍ୟାରେଜ ସିସିଟିଭି ଫୁଟେଜ ଯାଞ୍ଚ କରି ଲୁଟେରାଙ୍କୁ କାବୁ କରିବା ରେ ସକ୍ଷମ ହୋଇଥିଲା । ରବିବାର ସନ୍ଧ୍ୟାରେ ରାଳବ ଗ୍ରାମରେ ଚଢ଼ାଉ କରି ଲୁଟେରାଙ୍କୁ ଗିରଫ କରିବା ସହ ତାଙ୍କ ନିକଟରେ ଲୁଟ୍ ସାମଗ୍ରୀ ଜବତ କରିଛି। ଗିରଫ ଜଣଙ୍କ ହେଲେ ହିଞ୍ଜିଳି ଥାନା ରାଳବ ଗ୍ରାମର ବସନ୍ତ ସାମଲ (୩୦) । ଚଢ଼ାଉରେ ଥାନା ଏସଆଇ କମଲିନି ନାୟକ ଓ ଏଏସଆଇ ଅନନ୍ତ ଶବର ଅଂଶ ଗ୍ରହଣ କରିଥିଲେ। ଗିରଫ ଯୁବକଙ୍କୁ ଶନିବାର କୋର୍ଟ ଚାଲାଣ କରାଯାଇଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ସୂତ୍ରରୁ ପ୍ରକାଶ।