ଠାକୁର ଅନୁକୁଳଚନ୍ଦ୍ରଙ୍କ ୧୩୨ତମ ଜନ୍ମ ବାର୍ଷିକୀ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) – ପାରଳାଖେମୁଣ୍ଡି ସତ୍ସଙ୍ଗ ବିହାର ଠାରେ ଠାକୁର ଅନୁକୁଳ ଚନ୍ଦ୍ରଙ୍କ ୧୩୨ତମ ଜନ୍ମବାର୍ଷିକୀ ଉତ୍ସବ ମହାସମାରହୋରେ ପାଳିତ ହୋଇଯାଇଛି । ଠାକୁରଙ୍କୁ କୀର୍ତ୍ତନରେ ସହର ପରିକ୍ରମା କରାଯାଇ ପରେ ଆୟୋଜିତ ସତସଙ୍ଗ କାର୍ଯ୍ୟକ୍ରମରେ ଠାକୁରଙ୍କ ବାଣୀକୁ ଆଲୋକ ପାତ କରାଯାଇଥିଲା । ଏହି ଅବସରରେ ଓଡିଶା ସତସଙ୍ଗ ବିହାରର ସମ୍ପାଦକ ଡମ୍ବରୁଧର ଦାସ ବଦ୍ରିନାଥରୁ ସନ୍ୟାସୀ ଗୁରୁ ଶ୍ରେଷ୍ଠନନ୍ଦଜୀ, ରତନାକର ସ୍ୱାଇଁ (ରିତ୍ୱିକ), ନୃସିଂହ ଶ୍ରୀଚନ୍ଦନ, ଅଧିକାରୀ ମୃତ୍ୟୁଞ୍ଜୟ ଦାସ, ବିଷ୍ଣୁଚରଣ ବୈତର ପ୍ରମୁଖ ଆସିଥିବାବେଳେ ମୋହନା ବିଧାୟକ ଦାସରଥି ଗମାଙ୍ଗ ଉପସ୍ଥିତଥିଲେ । ପାରଳାଖେମୁଣ୍ଡି ସତସଙ୍ଗ ବିହାରରୁ ରିତ୍ୱିକ ପ୍ରଶାନ୍ତ କୁମାର ପ୍ରଧାନ, କାହ୍ନୁଚରଣ ଦାସ ପ୍ରମୁଖଙ୍କ ତତ୍ୱାବଧାନରେ ଗିରଶ ରଥ ଓ ସୁରେଶ ଚନ୍ଦ୍ର ସାହୁଙ୍କ ପରିଚାଳନାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ଏକ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହେବାପରେ ସାଂସ୍କୃତିକ କାର୍ଯ୍ୟକ୍ରମ କୁଞ୍ଜବିହାରୀ ବଡକୁମରଙ୍କ ପରିଚାଳନାରେ ଅନୁଷ୍ଠିତ ହୋଇଥିଲା ।
