ଡାହାଣୀ ସନ୍ଦେହରେ ମହିଳାଙ୍କୁ ମରଣାନ୍ତକ ଆକ୍ରମଣ, ୩ ଗିରଫ

ରାଇରଙ୍ଗପୁର,(ଅକ୍ଷୟ କୁମାର ବିଶ୍ୱାଳ): ମୟୂରଭଂଜ ଜିଲ୍ଲାର ଜାମଦା ଥାନା ଅନ୍ତର୍ଗତ ମାରଣାସ୍ତ୍ର ପଞ୍ଚାୟତର ମାନବିକ ଗ୍ରାମରେ ଜଣେ ମହିଳା କମଳା ପାତ୍ର(୬୫) ଙ୍କୁ ସ୍ୱାମୀ ସୁରେନ୍ଦ୍ର ପାତ୍ର ପଡୋଶୀ ସଂଖ୍ୟା ଲଘୁ ସଂପ୍ରଦାୟ ପରିବାରର ୪ ଜଣ ଶନିବାର ଦିନ ଘରକୁ ଡ଼ାକି ନେଇ କବାଟ କିଳି ମରଣାନ୍ତକ ଆକ୍ରମଣ କରିଥିଲେ ।କୌଣସି ପ୍ରକାରରେ ଜୀବନ ବିକଳେ ଘରୁ ବାହାରି ଆସି ରକ୍ତାକ୍ତ ଅବସ୍ଥାରେ ଘରେ ପହଞ୍ଚି ଥିଲେ । ଗୁରୁତର ଅବସ୍ଥାରେ ରାଇରଙ୍ଗପୁର ଡାକ୍ତରଖାନାରେ ଭର୍ତି କରାଯାଇଛି ଯାଇଥିଲା ।ପରେ ପରିସ୍ଥିତି ବିଗିଡିବାରୁ ବାରିପଦା ଏବଂ ପରେ କଟକସ୍ଥାନାନ୍ତରିତକରାଯାଇଛି । ଏହାକୁ ନେଇ ତାଙ୍କ ପୁଅ ଥାନା ରେ ଲିଖିତ ଅଭିଯୋଗ କରିଛନ୍ତି । ମଙ୍ଗଳବାର ଦିନ ଗ୍ରାମବାସୀ ଥାନାଧିକାରିଣୀଙ୍କୁ ଦୋଷୀଙ୍କ ବିରୁଦ୍ଧରେ ଶିଘ୍ର ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଥିଲେ । ଉକ୍ତ ଅଭିଯୋଗ କ୍ରମେ ପୋଲିସ ତିନି ଜଣ ଅଭିଯୁକ୍ତଙ୍କୁ ଗିରଫ କରିଥିବା ଜରାପଡିଛି ।