ଡିଜିଟାଲ ମିଡ଼ିଆ ଆସୋସିଏସନ ଗଠନ

ବ୍ରହ୍ମପୁର:(ଯୁଗାଦ୍ଦ ନ୍ୟୁଜ)ଗଂଜାମ ଜିଲ୍ଲାର ବିଭିନ୍ନ ଡିଜିଟାଲ ମିଡ଼ିଆଗୁଡିକୁ ନେଇ ଏକ ଆସୋସିଏସନ ଗଠନ ନିମନ୍ତେ ରବିବାର ଲାଂଜିପଲ୍ଲୀସ୍ଥିତ ଗୁମରଫ ନ୍ୟୁଜ କାର‌୍ୟ୍ୟାଳୟ ପରିସରରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଦୁନିଆ ହାଲଚାଲ ଡିଜିଟାଲ ମିଡ଼ିଆର ସମ୍ପାଦକ ରମେଶ ଚନ୍ଦ୍ର ପାତ୍ରଙ୍କ ଆବାହକତ୍ୱରେ ଅନୁଷ୍ଠିତ ବୈଠକରେ ଗୁମରଫ ନ୍ୟୁଜର ସମ୍ପାଦକ ପ୍ରକାଶ ଚନ୍ଦ୍ର ମିଶ୍ର ସଭାପତିତ୍ୱ କରିଥିଲେ ।ଏହି ବୈଠକରେ ଉପସ୍ଥିତ ପ୍ରତିନିଧିମାନଙ୍କ ପ୍ରସ୍ତାବକ୍ରମେ ଏକ ଅସ୍ଥାୟୀ କମିଟି ଗଠନ କରାଯାଇ ଉପଦେଷ୍ଟା ଭାବେ ବରିଷ୍ଠ ସାମ୍ବାଦିକ ତଥା ଗୁମରଫ ନ୍ୟୁଜର ସମ୍ପାଦକ ପ୍ରକାଶ ଚନ୍ଦ୍ର ମିଶ୍ର, ଆହ୍ୱାନ ଇ-ପତ୍ରିକାର ସମ୍ପାଦକ ଡ଼ା. ଜ୍ୟୋତି ପଟ୍ଟନାୟକ,ନୀତେଶ କୁମାର ସାହୁ, ଆଇନ ପରାମର୍ଶଦାତା ଭାବେ ସନ୍ତୋଷ କୁମାର ପାତ୍ର, ସଭାପତି ଭାବେ ରମେଶ ଚନ୍ଦ୍ର ପାତ୍ର, ସଂପାଦକ ଭାବେ ଜିଲ୍ଲା ଖବର ଡିଜିଟାଲ ମିଡ଼ିଆର ସମ୍ପାଦକ କ୍ଷୀରୋଦ ଚନ୍ଦ୍ର ବେହେରା ,ଉପଦେଷ୍ଟା ଉତ୍କଳ ଖଵର ସମ୍ପାଦକ ନୃସିଂହ ଚରଣ ପାଢ଼ୀ ଓ କୋଷାଧ୍ୟକ୍ଷ ଭାବେ ଜୀବନାନନ୍ଦ କରଙ୍କୁ ମନୋନୀତ କରାଯାଇଥିଲା । ମୁଖ୍ୟତଃ ସଭ୍ୟ ସଂଗ୍ରହ ଅଭିଯାନକୁ ତ୍ୱରାନ୍ୱିତ କରାଯିବା ଉପରେ ଗୁରୁତ୍ୱାରୋପ କରାଯାଇଥିଲା ।ବୈଠକରେ ଅନ୍ୟମାନଙ୍କ ମଧ୍ୟରେ ଡି.ଏସ.ଏଲ.ଆର ଡିଜିଟାଲ ମିଡ଼ିଆର ଲକ୍ଷ୍ମୀନାରାୟଣ ମିଶ୍ରଙ୍କ ସମେତ ବିଚିତ୍ର ସାହୁ, ନାରାୟଣ ସାହୁ, ଅନନ୍ତ ରାମ ପ୍ରଧାନ, ଗଣେଶ କୁମାର ସାହୁ, ବିଜୟ କୁମାର ଗୌଡ଼, କୁରେଶ ପାଣିଗ୍ରାହୀ, ସୁଶାନ୍ତ କର,ଗୁଲସନ୍ କୁମାର କର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ