ତପ୍ତପାଣି ଘାଟି ନାଳରୁ ଯୁବତୀଙ୍କ ଗଳିତ ଶବ ଜବତ

ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ):ପାଟପୁର ଥାନା ଅନ୍ତର୍ଗତ ଟି.ଗୋବିନ୍ଦପୁର ପଂଚାୟତ ତପ୍ତପାଣି ଘାଟି ନିକଟସ୍ଥ କେନାଳରୁ ଜଣେ ଯୁବତୀଙ୍କ ଗଳିତ ମୃତଦେହ ଉଦ୍ଧାର କରିଛି ପାଟପୁର ପୋଲିସ ।ମୃତ ଯୁବତୀ ଜଣକ ସଙ୍ଗୀତା ପ୍ରଧାନ (୨୬)ବୋଲି ଜଣାପଡ଼ିଛି।ମାଛ ଧରିବାକୁ ସ୍ଥାନୀୟ ଲୋକ କେନାଳକୁ ଯାଇଥିବା ବେଳେ ସେଠାରେ ଦୁର୍ଗଦ୍ଧ ହେବା ସହ ଯୁବତୀ ଙ୍କ ମୃତ ଦେହ ପଡିରହିଥିବା ଦେଖିବାକୁ ମିଳିଥିଲା ପାଟପୁର ପୋଲିସକୁ ଖବର ଦେଇଥିଲେ । ପାଟପୁର ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିବା ବେଳେ ଦେଖିବାକୁ ମିଳିଥିଲା। ସୂଚନା ପ୍ରକାରେ ଗତ କିଛିଦିନ ତଳେ ସଂଗୀତା ର ବାପା ଝିଅ ନିଖୋଜ ଥିବା ପାଟପୁର ଥାନା ରେ ଅଭିଯୋଗ କରିଥିବା ଜଣାପଡ଼ିଛି। ।ନିଖୋଜ ଯୁବତୀଙ୍କ ମୃତ ଦେହ ଆଜିଉଦ୍ଧାର କରିବା ପରେ ପରିବାର କୁ ସୂଚନା ଦିଆଯାଇଥିଲା। ଘଟଣା ସ୍ଥଳରେ ପରିବାର ପକ୍ଷରୁ ଆସି ମୃତ ଯୁବତୀ ସଙ୍ଗୀତ। ପ୍ରଧାନ ବୋଲି ଚିହ୍ନଟ କରିଥିଲେ । ୪ ବର୍ଷ ତଳେ ନରସିଂହ ଗଡ଼ ରେ ସଙ୍ଗୀତା ବିବାହ କରିଥିଲେ । ପରେ ତାଙ୍କର ଛାଡପତ୍ର ହୋଇଥିଲା। କିଛିଦିନ ହେବ ଜଣେ ଯୁବକ କୁ ଭଲପାଇ ଘରୁ ସୁନା କିଛି ଟଙ୍କା ନେଇ ଫେରାର ହୋଇଥିବା ଥାନାରେ ଅଭିଯୋଗ ଆଣିଛନ୍ତି ଯୁବତୀଙ୍କ ବାପା । ଏନେଇ ପାଟପୁର ପୋଲିସ କେସ ନଂ ୫୦୦/୨୩ ମାମଲା ରୁଜୁ କରିଛି। ଶବ ଜବତ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ମେଡିକାଲ କୁ ପଠାଇଥିବା ବେଳେ ଘଟଣା ସ୍ଥଳରେ ସାଇଣ୍ଟିଫିକ ଟିମ ସହ ସନ୍ଧାନି କୁକୁର ପହଞ୍ଚି ତଦନ୍ତ କରୁଥିବା ବେଳେ ଯଥା ଶୀଘ୍ର ଅଭିଯୁକ୍ତ କୁ ଗିରଫ କରାଯିବ ବୋଲି ପାଟପୁର ପୋଲିସ ପକ୍ଷରୁ ସୂଚନା ମିଳିଛି।