ତାଙ୍କ ଜ୍ବାଇଁ

ଯେତିକି ଜାଣିଛି
ସେତିକି କହୁଛି
ଖାଲି ସତ ମିଛ ନାହିଁ,
ଆମ ଦେଶ ଚୋର
ବିଲାତରେ ସାଧୁ
ଲାଜ ଲାଗେ କହି କହି ।

ଚୋରି କରି କରି
ଲାଜ ନ ଲାଗଇ
ଛାତି ଫୁଲାଇ ଚାଲଇ,
ୟାକୁ ତାକୁ ଧରି
ଦେଶ ଛାଡିଦେଇ
ବିଦେଶେ ରହଇ ଯାଇ ।

ଯାହାକୁ ଧରିଲା
ବଡ ଚୋର ଥିଲା
ଧରାପଡି ନାହିଁ ସେହି,
ସବୁ ଗଳାବାଟ
ତାକୁ ଜଣାଥିଲା
ୟାକୁ ଦେଲା ସେ ବତାଇ ।

ଏହି ଭଳି କରି
ଲୁଟି ଲୁଟି ଦେଶ
ବିଦେଶେ ବୁଲନ୍ତି ଯାଇ,
ବିଦେଶ ଆଇନ୍
କେମିତି କେଜାଣି
ଆମ ଚୋର ତାଙ୍କ ଜ୍ବାଇଁ ।

ଗଦାଧର ସାହୁ,ବ୍ରହ୍ମଗିରି,ପୁରୀ