ତିରିଂ ଥାନା ଅଜଣା ଗାଡି ଧକ୍କାରେ ବୃଦ୍ଧ ମୃତ

ରାଇରଙ୍ଗପୁର,(ଅକ୍ଷୟ କୁମାର ବିଶ୍ୱାଳ): ମୟୂରଭଞ୍ଜ ଜିଲ୍ଲାର ସିମାନ୍ତ ତିରିଂ ଥାନା ଅନ୍ତର୍ଗତ ଜାତୀୟ ରାଜପଥ ୨୨୦ନମ୍ବର ସିଦଗି ଛକରେ ପ୍ରାତଃ ଭ୍ରମଣରେ ଯାଉଥିବା ଜଣେ ବୃଦ୍ଧଙ୍କର ଅଜଣା ଗାଡି ଧକ୍କାରେ ଆଜି ଭୋର ସମୟରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି ।ସୂଚନାଯୋଗ୍ୟ ବଡ ସାଦମ ଗାଁର ଲାଲ ମାଝୀ(୭୫) ସକାଳେ ରାସ୍ତାରେ ଯାଉଥିବା ସମୟରେ ଏକ ଅଜଣା ଗାଡି ଧକ୍କା ମାରି ଦୃତ ଗତିରେ ଖସି ପଳାଇଥିଲା । ରକ୍ତ ଜୁଡୁବୁଡୁ ଗୁରୁତର ଅବସ୍ଥାରେ ତାଙ୍କୁ ରାଇରଙ୍ଗପୁର ହସ୍ପିଟାଲକୁ ଅଣା ଯାଇଥିଲା ।ଡ଼ାକ୍ତର ମୃତ ଘୋଷଣା କରିଥିଲେ ।ପୋଲିସ ଏହାକୁ ନେଇ ଏକ ମାମଲା କେଶ ନଂ ୭୦/୨୦ ରୁଜୁ କରି ମୃତକକୁ ପଞ୍ଚନାମା କରାଇ ପରିବାର ବର୍ଗଙ୍କୁ ହସ୍ତାନ୍ତର କରିବାସହ ତଦନ୍ତ ଜାରି ରଖିଛି ।