ତୋଶାଳା ଓଡ଼ିଆ ମିଡ଼ିଅମ ସ୍କୁଲ ତରଫରୁ ନବନିର୍ମିତ ବିଧାୟକଙ୍କୁ ସମ୍ବର୍ଦ୍ଧନା

ବାଲେଶ୍ୱର, (ସରୋଜ ପଣ୍ଡା):ବାଲେଶ୍ୱର ସଦର ନିର୍ବାଚନ ମଣ୍ଡଳୀର ନବ ନିର୍ବାଚିତ ବିଧାୟକ ମାନସ କୁମାର ଦତ୍ତଙ୍କୁ ଗୁରୁକୁଳ ତଥା ତୋଶାଳା ଓଡ଼ିଆ ମିଡ଼ିଅମ ସ୍କୁଲର ଚେୟାରମ୍ୟାନ ସୁଶାନ୍ତ କୁମାର ରାଉତଙ୍କ ଦ୍ୱାରା ଅଭିନନ୍ଦନ ଜ୍ଞାପନ କରାଯାଇଛି । ବାଲେଶ୍ୱର ସ୍ଥିତ ବିଜେପି କାର୍ଯ୍ୟାଳୟରେ ସୁଶାନ୍ତ ରାଉତ, ରଜତ ବେହେରା ଏବଂ କୁନା ବାବୁଙ୍କ ସମେତ ବିଦ୍ୟାଳୟର ଅନ୍ୟାନ୍ୟ କର୍ମକର୍ତ୍ତାବୃନ୍ଦ ବିଧାୟକଙ୍କୁ ଭେଟି ତାଙ୍କୁ ସମ୍ବର୍ଦ୍ଧିତ କରିବା ସହ ବୃକ୍ଷ ଚାରା ପ୍ରଦାନ କରି ବାଲେଶ୍ୱର ସଦରରେ ବୃକ୍ଷରୋପଣ ପାଇଁ ସଦର ନୂତନ ବିଧାୟକଙ୍କୁ ଅନୁରୋଧ କରିବା ସହ ସହରକୁ ସବୁଜିମାରେ ଭରିବା ପାଇଁ ତଥା ସହରର ସଡ଼କ ପ୍ରାନ୍ତମାନଙ୍କରେ ବୃକ୍ଷରୋପଣ ପାଇଁ ଅନୁରୋଧ କରିଥିଲେ । ବିଧାୟକ ମଧ୍ୟ ପ୍ରତିଶ୍ରୁତିବଦ୍ଧ ଯେ ବାଲେଶ୍ୱର ସହରରେ ବୃକ୍ଷରୋପଣ କରି ସବୁଜ ଶ୍ୟାମଳା କରିବା ସହ ସହରକୁ ସୌନ୍ଦର୍ଯ୍ୟୀକରଣ କରିବେ ।