ତ୍ରିଦିବସୀୟ ବାର୍ଷିକ କ୍ରୀଡା ପ୍ରତିଯୋଗିତା
ବନ୍ତ, (ଚାନ୍ଦିନୀ ମହାନ୍ତି):ବନ୍ତ ବ୍ଲକ ସେଣ୍ଢତୀରାସ୍ଥିତ ଜନାର୍ଦ୍ଦନ ସରକାରୀ ଉଚ୍ଚ ବିଦ୍ୟାଳୟରେ ତ୍ରିଦିବସୀୟ ବାର୍ଷିକ କ୍ରୀଡା ପ୍ରତିଯୋଗିତା ଉଦ୍ଘାଟିତ ହୋଇଯାଇଛି । ପୁରାତନ ଛାତ୍ର ସଂସଦର ସଭାପତି ଅନାଦି ଚରଣ ସେନାପତି ଏହାକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ । ପ୍ରଧାନ ଶିକ୍ଷକ ଅନନ୍ତ ଚରଣ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବିଦ୍ୟାଳୟ ପରିଚାଳନା କମିଟିର ଉପସଭାପତି ପଙ୍କଜିନୀ ସେନାପତି ଅତିଥି ଭାବେ ଯୋଗ ଦେଇ କ୍ରୀଡା ବକ୍ତବ୍ୟ ପ୍ରଦାନ କରିଥିଲେ । କ୍ରୀଡା ଶିକ୍ଷକ ମନୋଜ କୁମାର ଶଂଖୁଆଙ୍କ ପରିଚାଳନାରେ ଦୌଡକୁଦ, ଗଣିତ ଦୌଡ, ଅଖାଦୌଡ ଆଦି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ଅନ୍ତର୍ଯ୍ୟାମୀ ପାତ୍ର, ଶ୍ରୀକାନ୍ତ ପଣ୍ଡା, ପ୍ରିୟମ୍ବଦା ରାଉତ, ପ୍ରଭାସିନୀ ପ୍ରଧାନ, ମାନସୀ ସେଠୀ, ଅବିନାଶ ବାଇ, ଭୈର ମାଝୀ, ଅଭୟ କୁମାର ପ୍ରଧାନ, ହରିହର ପଲେଇ, ସବିତା ସାହୁ, ପଦ୍ମାବତୀ ଧଳ, ବବିଲତା ପ୍ରଧାନ, ସାମ୍ୟଶିଖା ଜେନା, ବିଜୟ କୁମାର ସାହୁ, ସ୍ଥିତିପ୍ରଜ୍ଞା ସେଠୀ, କମଳାକାନ୍ତ ଜେନା, ଅନସୂୟା ବିଶ୍ୱାଳ ପ୍ରମୁଖ ସହଯୋଗ କରିଥିଲେ ।
