ଥାନା ସମ୍ମୁଖରେ ଧାରଣା ଦେଲେ ନିର୍ଯ୍ୟାତିତ ମହିଳା
ନୟାଗଡ ,(ଯୁଗାବ୍ଦ ନ୍ୟୁଜ) : ନୟାଗଡଜିଲ୍ଲା ଅନ୍ତର୍ଗତ ଚାନ୍ଦପୁର ଥାନା ସମ୍ମୁଖରେ ଧାରଣା ଦେଇଛନ୍ତି ଜଣେ ନିର୍ଯ୍ୟାତିତ ମହିଳା । ଅଧିକ ଯୌତୁକ ଦାବିକରି ମହିଳାଙ୍କୁ ତାଙ୍କ ସ୍ୱାମୀ ଓ ଶାଶୁ ନିର୍ଯ୍ୟାତନା ଦେଉଥିବା ସେ କହିଛନ୍ତି । ସୁଚନାପ୍ରକାରେ, ମହିଳା ଜଣଙ୍କ ଚାନ୍ଦପୁର ଥାନା ଅନ୍ତର୍ଗତ ହରିହରପୁର ଗାଁର ପୁଷ୍ପଲତା ନାଏକ । ପୁଷ୍ପଲତା ୧୫ବର୍ଷ ହେବ ନିରଞ୍ଜନକୁ ବୈଦିକ ରିତିରେ ବିବାହ କରିଥିବା ବେଳେ ତାଙ୍କର ଏକ ପୁତ୍ର ସନ୍ତାନ ରହିଛି। ତେବେ ପୁଷ୍ପଲତାଙ୍କୁ ତାଙ୍କ ସ୍ୱାମୀ ଓ ଶାଶୁ ୪ଲକ୍ଷ ଟଙ୍କା ଯୈତୁକ ଦାବୀ କରି ଶାରିରୀକ ଓ ମାନସିକ ନିର୍ଯ୍ୟାତନା ଦେଉଥିବାରୁ ବିଗତ ୪ମାସ ପୁର୍ବେ ସେ ଚାନ୍ଦପୁର ଥାନାରେ ତାଙ୍କ ଶାଶୁ ମୀନାକୁମାରୀ ଓ ସ୍ୱାମୀ ନୀରଞ୍ଜନଙ୍କ ନାମରେ ଅଭିଯୋଗ କରିଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବା ସେ ଅଭିଯୋଗ କରିଛନ୍ତି । ତେବେ ତୁରନ୍ତ କାର୍ୟ୍ୟାନୁଷ୍ଠାନ ଦାବିକରି ନିର୍ୟ୍ୟାତିତା ମହିଳା ଜଣକ ଥାନା ଆଗରେ ଧାରଣା ଦେଇଥିବା ବେଳେ ପୁଷ୍ପଲତାଙ୍କ ଦାବିକୁ ସମର୍ଥନ ଜଣାଇ ସ୍ଥାନୀୟ ଅଞ୍ଚଳର ମହିଳା ଗୋଷ୍ଠୀ ଏକତ୍ରିତି ହୋଇ ଥାନା ସମ୍ମୁଖ ଧାରଣାରେ ସାମିଲ ହୋଇଛନ୍ତି
