ଦକ୍ଷିଣ ଓଡ଼ିଶାରେ ବର୍ଷା, ଗଜପତିରେ ସ୍କୁଲ୍ ବନ୍ଦ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ବାତ୍ୟା ଆନ୍ଧ୍ର ଉପକୂଳରେ ସୁଳଭାଗ ଛୁଇଁବା ପରେ ଏହାର ପ୍ରଭାବ ଦକ୍ଷିଣ ଓଡ଼ିଶାରେ ଅନୁଭୂତ ହୋଇଛି । ଏହାକୁ ଦୃଷ୍ଟିରେ ଗଜପତିରେ ଅଧିକ ବର୍ଷାର ସମ୍ଭାବନା ଥିବାରୁ ଆଜି ଜିଲାର ସମସ୍ତ ପ୍ରାଥମିକ, ଉଚ୍ଚପ୍ରାଥମିକ ବିଦ୍ୟାଳୟ ଏବଂ ଅଙ୍ଗନୱାଡ଼ି ବନ୍ଦ ରହିବ ବୋଲି ଜିଲାପାଳ ସ୍ମୃତି ରଞ୍ଜନ ପ୍ରଧାନ ସୂଚନା ଦେଇଛନ୍ତି । ଏହି ସମୟରେ ବକ୍ଷିଣ ଓଡ଼ିଶାର କିଛି ସ୍ଥାନରେ ପବନର ବେଗ ୩୦ରୁ ୪୦କି.ମି. ରହିପାରେ । ମଙ୍ଗଳବାର ରାତିରେ କୋରାପୁଟ, ମାଲକାନଗିରି ଏବଂ ଗଜପତିରେ ବିକ୍ଷିପ୍ତ ବର୍ଷା ଦେଖିବାକୁ ମିଳିଥିଲା ।