ଦାନପୁର ଗ୍ରାମ ପଞ୍ଚାୟତରେ ଫ୍ଲାଗ ମାର୍ଚ୍ଚ

କୋଦଳା (ଗୁଲସନ୍ କୁମାର କର) :-ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ଦାନପୁର ଗ୍ରାମ ପଞ୍ଚାୟତରେ କୋଦଳା ପୋଲିସ ତରଫରୁ ଫ୍ଲାଗମାର୍ଚ କରାଯାଇଛି । ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପୂର୍ବରୁ ଗଣ୍ଡଗୋଳକୁ ନଜରରେ ରଖି ଫ୍ଲାଗମାର୍ଚ କରାଯାଇଛି । ଲୋକ ମାନଙ୍କୁ କିପରି ଶାନ୍ତି ଶୃଙ୍ଖଳା ସହ ନିଜର ବହୁମୂଲ୍ୟ ଦେଇ ନିର୍ବାଚନ ସରିବ ସେ ନେଇ ଲୋକଙ୍କୁ ବୁଝାଇଥିଲେ । ଏହାସହ ଯେପରି କୌଣସି ବ୍ୟକ୍ତି ଅପ୍ରୀତିକର ପରିସ୍ଥିତି ସୃଷ୍ଟି ନ କରନ୍ତି ସେଦିଗରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ଆଡିସନାଲ ଏସପି ଠାକୁର ପ୍ରସାଦ ପାତ୍ର , ଏସଡିପିଓ ସୂର୍ଯ୍ୟମଣି ପ୍ରଧାନ, କୋଦଳା ଥାନା ଅଧିକାରୀ ଦେବାଶିଷ ମହାନ୍ତି, ଅତିରିକ୍ତ ଥାନା ଅଧିକାରୀ ପ୍ରଭାତ କୁମାର ବେହେରା, ବେଗୁନିଆପଡା ଫାଣ୍ଡି ଅଧିକାରୀ ସଂଗ୍ରାମ କେଶରୀ ଦେଉରିଙ୍କ ସମେତ ସମସ୍ତ ପୋଲିସ ଅଧିକାରୀ ମାନେ ଉପସ୍ଥିତ ଥିଲେ । ନିର୍ବାଚନକୁ ନେଇ ଯେପରି ହିଂସା କାଣ୍ଡ ନ ହୁଏ ସେଥିପାଇଁ ଗୁରୁତ୍ୱ ଦେଇ ପୋଲିସ ତରଫରୁ ଫ୍ଲାଗମାର୍ଚ କରାଯାଇଥିବା ସୂଚନା ମିଳିଛି ।