ଦିଗପହଣ୍ଡିରେ ଶ୍ରମିକ ଦିବସ ପାଳିତ

ଦିଗପହଣ୍ଡି,(ଓ୍ୱାଇଏନ୍ଏସ୍): ଦିଗପହଣ୍ଡିର ବିଭିନ୍ନ ଶ୍ରମିକ ସଂଗଠନ ପକ୍ଷରୁ ଶ୍ରମିକ ଦିବସ ପାଳିତ ହୋଇଯାଇଛି।ସ୍ଥାନୀୟ ବସଷ୍ଟାଣ୍ଡ ନିକଟ ଶ୍ରମିକ ସଙ୍ଗଠନ ଏଆଇଟିୟୁସି କାର୍ଯ୍ୟାଳୟ ପରିସରରେ ଜିଲ୍ଲା ସଭାପତି ଅଳକନାଥ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଓଡିଶା ନିର୍ମାଣ ଶ୍ରମିକ ସଂଘର ନେତା କିଶୋର କୁମାର ଶତପଥୀ ଲାଲ ପତାକା ଉତ୍ତୋଳନ କରିଥିଲେ। ପରେ ଶ୍ରମିକ ଦିବସର ଐତିହ୍ୟ ଏବଂ ବର୍ତ୍ତମାନର ସମସ୍ୟା ଉପରେ ଆଲୋଚନା ହୋଇଥିଲା।ଏଥିରେ ସିପିଆଇ ଶାଖା ସମ୍ପାଦକ ତପନ କୁମାର ମିଶ୍ର, ପ୍ରମୋଦ ଚନ୍ଦ୍ର ସ୍ଵାଇଁ, ମୂଷା ବେହେରା, ବାବୁଲା ଚୌଧୁରୀ, ଲକ୍ଷ୍ମଣ ସାହୁ,ହରିକୃଷ୍ଣ ଗୌଡ ପ୍ରମୁଖ ଅଂଶ ଗ୍ରହଣ କରିଥିଲେ। ସେହିଭଳି ଶ୍ରମିକ ସଙ୍ଗଠନ ସିଟୁ ସହବନ୍ଧିତ ଖେମୁଣ୍ଡି ଆଞ୍ଚଳିକ ଶ୍ରମିକ ସଂଘ ପକ୍ଷରୁ ମଧ୍ୟ ଶ୍ରମିକ ଦିବସ ପାଳନ କରାଯାଇ ଥିବା ବେଳେ ସେଥିରେ ସିପିଏମ ଜିଲ୍ଲା ସଂପାଦକ କୈଳାସ ଚନ୍ଦ୍ର ଷଡ଼ଙ୍ଗୀ, ଅଶ୍ଵିନୀ କୁମାର ଦାସ, ଜୟନ୍ତୀ ବାଳା ମିଶ୍ର, କୁରେଶୁ ପଣ୍ଡା, ଭି.ସୁଦର୍ଶନ ରାଜୁ,ଶିବ ପ୍ରଧାନ, କୈଳାସ ମହାରଣା, ଅକ୍ଷାଂଶୁ ଜ୍ୟୋତି ଦାଶ,ଅସୀମ ଜ୍ୟୋତି ଦାଶ ପ୍ରମୁଖ ଉପସ୍ଥିତ ଥିଲେ।