ଦିଗପହଣ୍ଡି ରେ ଚାଲିଥିବା ଜୁଆ ଆଡ୍ଡା ରେ ପୋଲିସ ଚଢାଉ

ଦିଗପହଣ୍ଡି, (ଯୁଗାବ୍ଦ ନ୍ୟୁଜ):ଦିଗପହଣ୍ଡି ଅଞ୍ଚଳ କଲୋନୀ ସ୍ଥିତ କଲୋନୀ ୟୁଥ୍ ରିକ୍ରିଏସନ କ୍ଳବ୍ ଘରେ ଦୀର୍ଘଦିନ ଧରି ଚାଲିଥିବା ଜୁଆ ଆଡ୍ଡା ଉପରେ ରବିବାର ଅପରାହ୍ନ ପ୍ରାୟ ସାଢ଼େ ୨ ଟା ରେ ପୋଲିସ ଚଢାଉ କରିଥିଲେ।ଦିଗପହଣ୍ଡି ଥାନା ଆଇ ଆଇ ସି ଦୀପ୍ତି ରଞ୍ଜନ ବେହେରା ଙ୍କ ନେତୃତ୍ୱରେ ପୋଲିସ ଟିମ ଚଢାଉ କରି କ୍ଳବ୍ ଭିତରେ ଜୁଆ ଖେଳୁଥିବା ୫ ଜଣଙ୍କୁ ଗିରଫ କରିଥିଲେ। ସେମାନଙ୍କ ନିକଟରୁ ୩ ଲକ୍ଷ ୨୫ ହଜାର ଟଙ୍କା,ତାସ ମୁଠା ଏବଂ ଦରି ପାଲ ଜବତ କରାଯାଇଥିବା ଜଣାପଡ଼ିଛି।କ୍ଲବ ପରିସରରେ ପ୍ରତିବର୍ଷ କୁମାର ପୂର୍ଣ୍ଣମୀ ଉପଲକ୍ଷେ ଲକ୍ଷ ଲକ୍ଷ ଟଙ୍କାର ଜୁଆ ଖେଳ ଚାଲିଥାଏ। ରବିବାର ପୂର୍ବାହ୍ନ ରୁ ଏଠାରେ ଜୁଆ ଖେଳ ଆରମ୍ଭ ହୋଇଥିବା ପୋଲିସ କୁ ସୂଚନା ମିଳିଥିଲା।ପୋଲିସ ଟିମ୍ ର ସଦସ୍ୟ ମାନେ  ସାଦା ପୋଷାକ ରେ ଜୁଆ ଖେଳିବା ବାହାନା ରେ ପ୍ରଥମେ ଅତି ସତର୍କତାର ସହ ଜୁଆ ଆଡ୍ଡା କୁ ଘେରି ଥିଲେ। ପୋଲିସ ଆସିଥିବା ପୂର୍ବ ସୂଚନା ପାଇ କିଛି ଜୁଆଡି ଖସି ପଳାଇଥିବା ବେଳେ ୫ ଜୁଆଡି ଧରାପଡିଥିଲେ। ଏନେଇ ଜୁଆଡି ମାନଙ୍କ ବିରୋଧରେ ଥାନା ମାମଲା ନଂ.୩୫୨/୨୨ ଅନୁଯାୟୀ ମକଦ୍ଦମା ରୁଜୁ କରାଯାଇଥିବା ଆଇ ଆଇ ସି ଜଣାଇଛନ୍ତି।