ଦିପ୍ସା କିନ୍ନରର ମାତା ପୂଜା

କୋଣାର୍କ,(ୱା ଏନ ଏସ):ବିଶ୍ଵର ଶାନ୍ତି କାମନା କରି କୋଣାର୍କ  କିନ୍ନର ସମାଜ ପକ୍ଷରୁ ପବିତ୍ର ଦୀପାବଳୀ ପୂଜା ଅବସରରେ
ବୋହୂଚୋରୀ ମାତା ପୂଜା ଅନୁଷ୍ଠିତ ହୋଇଯାଇଛି । କୋଣାର୍କ କିନ୍ନର ସଙ୍ଘର ମୁଖ୍ଯା ଦୀପା କିନ୍ନରଙ୍କ ନେତୃତ୍ବରେ କିନ୍ନର ଗୁରୁବାର ଚନ୍ଦ୍ରଭାଗା ତୀର୍ଥ ପୁଷ୍କରିଣୀରୁ ପବିତ୍ର ଜଳ କଳସିରେ ଧାରଣ କରି ଏକ ଶୋଭାଯାତ୍ରାରେ ଆସି ବୋହୂଚୋରୀ ମାତାଙ୍କ ପୂଜା ମଣ୍ଡପରେ ପହଞ୍ଚିବା ପରେ ପୂଜା ଅର୍ଚ୍ଚନା ଅନୁଷ୍ଠିତ ହୋଇଥିଲା । ଏହା ପରେ ପୂଜା ମଣ୍ଡପ ନିକଟରେ ସମବେତ ଶ୍ରଦ୍ଧାଳୁଙ୍କୁ ପ୍ରସାଦ ସେବନରେ ଆପ୍ୟାୟିତ କରାଯାଇଥିଲା । ବିଶ୍ଵରେ ଶାନ୍ତି ପ୍ରତିଷ୍ଠା ନିମନ୍ତେ ଏହି ପୂଜା ଆୟୋଜ କରାଯାଇଥିବା ଦୀପା ଜିନ୍ନର ସୂଚନା ଦେଇଛନ୍ତି। ଏହି କାର୍ଯ୍ୟକ୍ରମରେ ଚିନୁ କିନ୍ନର, ଶିବାନୀ କିନ୍ନର,ଶାନ୍ତି କିନ୍ନର, କାଜଲ କିନ୍ନର, ସୁକାନ୍ତି କିନ୍ନର, ରାନି କିନ୍ନର ପ୍ରମୁଖ ସହଯୋଗ କରିଥିଲେ।