ଦୁଇ ଜାତୀୟ ଦଳର ସମର୍ଥକ ବିଜେଡି ରେ ସାମିଲ

ବୁଗୁଡା,(ଅନିଲ କୁମାର ମହାରଣା): ଗଞ୍ଜାମ ଜିଲ୍ଲା ବୁଗୁଡା ବ୍ଲକ ଅନ୍ତର୍ଗତ ବିରଞ୍ଚିପୁର ପାଞ୍ଚାୟତର ବି.ବ୍ରହ୍ମପୁର ଗ୍ରାମର ଦୁଇ ଜାତୀୟ ଦଳର କର୍ମୀ ଓ ସମର୍ଥକ ୨୩ ତାରିଖ ଦିନ ବିଜୁ ଜନତା ଦଳରେ ସାମିଲ ହୋଇଥିବା ଜଣାପଡିଛି। ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶ ଓ ବିଧାୟକ ଶ୍ରୀକାନ୍ତ ସାହୁଙ୍କ ଜନସମ୍ପର୍କ ଓ ଜନହିତକର କାର୍ଯ୍ୟରେ ଆକୃଷ୍ଟ ହୋଇ ୨୫ ପରିବାର ବିଜେଡିରେ ସାମିଲ ହୋଇଥିବା ବି.ବ୍ରହ୍ମପୁର ର ଗୋବିନ୍ଦ ସେଠୀ ପ୍ରକାଶ କରିଛନ୍ତି। ସମସ୍ତେ ବିଧାୟକ ଶ୍ରୀକାନ୍ତ ସାହୁଙ୍କ ଉପସ୍ଥିତରେ ବିଜେଡ଼ିରେ ସାମିଲ ହୋଇଥିବା ବେଳେ ବିଧାୟକ ସେମାନଙ୍କୁ ପୁଷ୍ପମାଲ୍ୟ ଓ ଦଳୀୟ ଉପଢୌକନ ଦେଇ ସ୍ୱାଗତ କରିଥିଲେ । ଅନ୍ୟମାନଙ୍କ ମଧ୍ୟରେ ବ୍ଲକ ବିଜେଡି ସଭାପତି ମଦନ ଗୋପାଳ ଦୋରା, ବ୍ଲକ ଉପାଧ୍ୟକ୍ଷ ଟୁକୁନା ସ୍ଵାଇଁ, ପୂର୍ବତନ ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ବେହେରା, ବିରଞ୍ଚିପୁରର ପୂର୍ବତନ ସରପଞ୍ଚ କବିରାଜ ଗୌଡ଼ ପ୍ରମୁଖ ସମେତ ବହୁ ଦଳୀୟ କର୍ମୀ ଉପସ୍ଥିତ ଥିଲେ।