ଦୁଇ ପ୍ରଧାନ ଶିକ୍ଷକଙ୍କୁ ଅବସରକାଳୀନ ସମ୍ବର୍ଦ୍ଧନା

ଗାଙ୍ଗପୁର, (ସନ୍ତୋଷ ବିଶୋଇ) :-ଗଞ୍ଜାମ ଜିଲ୍ଲା ବେଲଗୁଣ୍ଠା ବ୍ଲକ ବୋରିପଦର ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ବସନ୍ତ କୁମାର ତ୍ରିପାଠି ଏବଂ ସାନ ବୋର୍ସିଂଗ୍ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ କ୍ରିଷ୍ଣ ଚନ୍ଦ୍ର ଜେନାଙ୍କୁ ଶନିବାର ଦିନ ପ୍ରାଥମିକ ଶିକ୍ଷକ ସଂଘ ପକ୍ଷରୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି । ଶିକ୍ଷକ ସଂଘ ସଭାପତି ବସନ୍ତ କୁମାର ଜେନାଙ୍କ ସଂଯୋଜନାରେ ଅନୁଷ୍ଠିତ ସଭା କାର୍ଯ୍ୟକ୍ରମରେ ଗୋଷ୍ଠୀ ଶିକ୍ଷାଧିକାରୀ ପ୍ରସନ୍ନ କୁମାର ବେହେରା ଅତିଥିଭାବେ ଯୋଗ ଦେଇ ଅବସରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀ ତ୍ରିପାଠି ଏବଂ ଶ୍ରୀ ଜେନାଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। ଉଭୟ ପ୍ରଧାନ ଶିକ୍ଷକ ଛାତ୍ରଛାତ୍ରୀମାନଙ୍କୁ ଉତ୍ତମ ଶିକ୍ଷାଦାନ କରିବା ସହ ବିଦ୍ୟାଳୟ ପରିଚାଳନା କ୍ଷେତ୍ରରେ ମଧ୍ୟ ବେଶ୍ ପାରଙ୍ଗମ ଥିଲେ I ଉଭୟ କର୍ତ୍ତବ୍ୟ ପରାୟଣ , ମିଷ୍ଟଭାଷୀ , ପରୋପକାରୀ ଶିକ୍ଷକଙ୍କ ଆଜି ଏଭଳି ଅବସର ଗ୍ରହଣ ସମୟରେ ଉପସ୍ଥିତ ଅତିଥିମାନେ ସମ୍ବର୍ଦ୍ଧନା ଜଣାଇବା ସହ ଗୋଷ୍ଠୀ ଶିକ୍ଷା କାର୍ଯ୍ଯାଳୟ ପକ୍ଷରୁ ପେନସନ୍ ପେପର ମଧ୍ୟ ପ୍ରଦାନ କରାଯାଇଥିଲା । ଅବସରଗ୍ରହଣ କରିଥିବା ପ୍ରଧାନ ଶିକ୍ଷକଙ୍କ ଶିକ୍ଷା ବିଭାଗ ପ୍ରତି ରହିଥିବା ଉତ୍ସର୍ଗୀକୃତ ଅବଦାନ ସର୍ବଦା ସ୍ମରଣୀୟ ହୋଇ ରହିବ ବୋଲି ଅତିଥି ବୃନ୍ଦ ପ୍ରକାଶ କରିବା ସହ ତାଙ୍କର ସୁସ୍ଥ ଓ ନିରାମୟ ଭବିଷ୍ୟତ କାମନା କରିଥିଲେ । ଏହି କାର୍ଯ୍ୟକ୍ରମରେ ପ୍ରାଥମିକ ଶିକ୍ଷକ ସଂଘ ଉପସଭାପତି ସଚ୍ଚିଦାନନ୍ଦ ପ୍ରଧାନ, ଦୀପ୍ତାଂଶୁ ପ୍ରଭା ଦେବୀ,ସାଧାରଣ ସମ୍ପାଦକ ବାଳକୃଷ୍ଣ ସାବତ, ଯୁଗ୍ମ ସମ୍ପାଦକ ନିକୁଞ୍ଜ ନାୟକ, ଅଶୋକ କୁମାର ବେହେରା, ଗୌର ଚନ୍ଦ୍ର ପରିଡ଼ା, ଜିଲ୍ଳା କାର୍ଯ୍ୟକାରିଣୀ ସଦସ୍ୟ ବଲ୍ଲଭ ପଣ୍ଡା, ନୀଳକଣ୍ଠ ନନ୍ଦ, ଛାୟାକାନ୍ତ ମହାପାତ୍ର, କୋଷାଧ୍ୟକ୍ଷ ପ୍ରତାପ ଚନ୍ଦ୍ର ସ୍ୱାଇଁ, ସଂଯୋଜକ ପ୍ରଶାନ୍ତ କୁମାର ପଟ୍ଟନାୟକଙ୍କ ସମେତ ଶିକ୍ଷକ ସୁବ୍ରତ ପାତ୍ର, କିରାଣି କମଳ ଲୋଚନ ଦୋରା ଏବଂ ସରୋଜ କୁମାର ରଠ ପ୍ରମୁଖ ଉପସ୍ଥିତ ଥିଲେ I