ଦୁଇ ବାଇକ୍ ମୁହାଁମୁହିଁ; ଜଣେ ମୃତ ଦୁଇ ଗୁରୁତର

ରାଇରଙ୍ଗପୁର,(ଅକ୍ଷୟ କୁମାର ବିଶ୍ୱାଳ):ମୟୂରଭଂଜ ଜିଲ୍ଲାର ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ରାଇରଙ୍ଗପୁର-ଗୋରୁମହିଷାଣୀ ରାସ୍ତା ନିରଞ୍ଜନ ପାଖ ପଳାଶବଣି ରାସ୍ତାରେ ମଙ୍ଗଳବାର  ପୂର୍ବାହ୍ନ ଏଗାରଟା  ସମୟରେ ଦୁଇ ବାଇକ୍ ମୁହାଁମୁହିଁରେ ଜଣେ ମୃତ ଏବଂ ଦୁଇ ଗୁରୁତର ହୋଇଥିବା ଅଭିଯୋଗ ହୋଇଛି ।ଅଗ୍ନିଶମ ବିଭାଗ ରକ୍ତ ଜୁଡୁବୁଡଙ ଅବସ୍ଥାରେ ସମସ୍ତଙ୍କୁ ଉଦ୍ଧାର କରି ରାଇରଙ୍ଗପୁର ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରିଥିଲା । ସୂଚନାଯୋଗ୍ୟ ଯେ ଗୋରୁମହିଷାଣୀ ଥାନା ଅନ୍ତର୍ଗତ ଭେଲୁଡିହି ଗ୍ରାମର ସେକ୍ ନାସିର ବାଇକ୍ ଯୋଗେ ଗୋରୁମହିଷାଣୀରୁ ରାଇରଙ୍ଗପୁର ଅଭିମୁଖେ ଆସୁଥିଲେ, ଏହି ସମୟରେ ବିଶୋଇ ଥାନା ଅନ୍ତର୍ଗତ ଭାତଛତର ଗ୍ରାମର ମୁରଲି ମହାକୁଡ଼ ଏବଂ ଗୋବିନ୍ଦ ମହାକୁଡ଼ ବିଶୋଇ ରୁ ଗୋରୁମହିଷାଣୀ ନିଜର ସଂପର୍କୀୟ ଘରକୁ ଯାଉଥିବା ବେଳେ ଉଭୟ ବାଇକ୍ ଦୁର୍ଘଟଣାରେ ଶିକାର ହୋଇଥିଲେ । ରାଇରଙ୍ଗପୁର ହସ୍ପିଟାଲରେ ଅବଦୁଲ ନସିମ(୪୦) ପିତା ଅବଦୁଲ ମଜିଦ ପ୍ରାଣବାୟୁ ଉଡି ଯାଇଥିଲା । ଡାକ୍ତର ମୃତ ଘୋଷଣା କରିଥିଲେ ଅନ୍ୟ ଦୁଇ ଜଣ ଗୁରୁତର ହୋଇଥିଲେ । ପୋଲିସ ବାଇକ ଜବତ କରି ତଦନ୍ତ କରୁଛି ।