ଦୁଇ ବାଇକ୍ ମୁହାଁମୁହିଁ, ତିନି ଗୁରୁତର

ରାଇରଙ୍ଗପୁର,(ଅକ୍ଷୟ କୁମାର ବିଶ୍ୱାଳ): ରାଇରଙ୍ଗପୁର ଗୋରୁମହିଷାଣି ରାସ୍ତା ମରଣଯନ୍ତା ପାଲଟିଛି ।ଏକ ସପ୍ତାହ ନ ବିତୁଣୁ ଏହି ରାସ୍ତାରେ ଏକ କାର ସହ ବାଇକ୍ ଧକ୍କା ହେବା ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ସୋମବାର ଦିନ ପୁଣି ଥରେ ଦୁର୍ଘଟଣା ଘଟିଛି । ରାଇରଙ୍ଗପୁର ସହରାଞ୍ଚଳ ଥାନା ଅନ୍ତର୍ଗତ ରାଇରଙ୍ଗପୁର ଗୋରୁମହିଷାଣୀ ରାସ୍ତା ଦୁବୁଲା ବେଡା ଗାଁ ପାଖ ରାସ୍ତାରେ ଦୁଇ ବାଇକ୍ ମୁହାଁମୁହିଁ ଫଳରେ ତିନି ଯୁବକ ଗୁରୁତର । ସେମାନଙ୍କୁ ଗୁରୁତର ଅବସ୍ଥାରେ ରାଇରଙ୍ଗପୁର ହସ୍ପିଟାଲରେ ଭର୍ତ୍ତି କରାଯାଇଛି । ସେମାନେ ହେଲେ ଜାମଦା ଥାନା ଅନ୍ତର୍ଗତ କାନଖା ଗାଁର କର ହେମ୍ବ୍ରମ (୨୨), ବୁଧିଆକୁଦର ଗାଁର ମହେନ୍ଦ୍ର ହାଁସଦା (୨୩), ରାହୁଲ ହାଁସଦା (୧୬) । ଏମାନଙ୍କ ଗୋଡ ଭାଙ୍ଗି ଯାଇଛି , ମୁଣ୍ଡ ଫାଟି ରକ୍ତ ଜୁଡୁବୁଡୁ ଏବଂ ଛାତିରେ ମାଡ଼ ମଧ୍ୟ ହୋଇଛି ।