ଦୁଇ ବାଇକ ମୁହାଁମୁହିଁ ଧକ୍କା , ୫ ଆହାତ

ମୋହନା, (ଅଂଶୁମାନ ପଣ୍ଡା) :ଗଜପତି ଜିଲ୍ଲା ରା. ଉଦୟଗିରି ଥାନା ଅନ୍ତର୍ଗତ ଅବାରସିଙ୍ଗି ଗ୍ରାମ ନିକଟରେ ଦୁଇ ବାଇକ ମୁହାଁମୁହିଁ ଧକ୍କା ହେବା ଫଳରେ ପାଞ୍ଚ ଆହାତ ହୋଇଛନ୍ତି । ଘଟଣା ସ୍ଥଳରୁ ଦୁଇ ବାଇକରେ ଆହାତ ମାନଙ୍କୁ ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ପ୍ରାଥମିକ ଚିକିତ୍ସା କରାଯିବା ପରେ ନିଜ ନିଜ ଗ୍ରାମକୁ ଫେରିଛନ୍ତି । ଆହତ ମାନେ ହେଲେ ରା.ଉଦୟଗିରି ଥାନା ଅନ୍ତର୍ଗତ ବେତାରସିଙ୍ଗ ଗ୍ରାମର ଦିବ୍ୟଜ୍ୟୋତି ବେହେରା (୧୭), ପ୍ରିୟଙ୍କା ବେହେରା (୧୮), ଉଦ୍ଧବ ବେହେରା (୪୬) ଓ ଅନୁଗୁରୁ ଗ୍ରାମର ମୋଜେସ ମଣ୍ଡଳ(୨୮) କୋଇନୋ ଗମାଙ୍ଗ (୧୮) ବୋଲି ସ୍ୱାସ୍ଥ୍ୟ କେନ୍ଦ୍ରର ପ୍ରଶାସନିକ ଅଧିକାରୀ ଡାକ୍ତର ଉଲ୍ଲାସ ରାଉତ ସୂଚନା ଦେଇଛନ୍ତି ।