ଦୁଇ ବାଇକ ମୁହାଁମୁହିଁ ଧକ୍କା, ଜଣେ ମୃତ ତିନି ଗୁରୁତର

ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ସୋସୋ ଥାନା ଅଧିନସ୍ଥ ହଦଗଡ ନିକଟରେ ଆଜି ସନ୍ଧ୍ୟାରେ ଦୁଇ ବାଇକ ମଦ୍ୟରେ ମୁହାଁ ମୁହିଁ ଧକ୍କା ହେବାରୁ ଜଣେ ଯୁବକର ମୃତୁ୍ୟ ଘଟିଥିବାବେଳେ ଅନ୍ୟ ତିନିଜଣ ଗୁରୁତର ଆହତ ହୋଇଥିବା ଜଣାଯାଇଛି । ଖବରରୁ ଜଣାଯାଇଛି ଯେ ଆଜି ସନ୍ଧ୍ୟାରେ କେ ବାଲିପାଳ ପଞ୍ଚାୟତ ଭଅଁରା ଗ୍ରାମର ମିଟୁ ନାଏକ ଓ ଦୁଷ୍ମନ୍ତ ଝାଲିଆ ଏକ ବାଇକ ଯୋଗେ ହଦଗଡ ଆଡକୁ ଆସୁଥିବାବେଳେ ସମ୍ମୁଖରୁ ଯାଉଥିବା ଧନୁର୍ଜୟପୁର ଗ୍ରାମର ମଣ୍ଟୁପୁର୍ତ୍ତୀଙ୍କ ବାଇକ ସହିତ ତାଙ୍କର ମୁହାଁମୁହିଁ ଧକ୍କା ହୋଇଥିଲା । ବାଇକରେ ବସିଥିବା ୪ଜଣ ଯାକ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକମାନେ ସେମାନଙ୍କୁ ଉଦ୍ଧାର କରି ତୁରନ୍ତ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ । ସେଠାରେ ମିଟୁ ନାୟକକୁ ଡାକ୍ତର ମୃତ ଘୋଷଣା କରିଥିବାବେଳେ ଅନ୍ୟ ତିନିଜଣ ଗୁରୁତର ଥିବା ଜଣାଯାଇଛି ।