ଦୁଇ ବାଇକ ମୁହାଁମୁହିଁ ଧକ୍କା ଦୁଇ ଗୁରୁତର ଆହତ

ଗାଙ୍ଗପୁର,(ସନ୍ତୋଷ କୁମାର ବିଷୋଇ):ସନ୍ଧ୍ୟା ୬ ଘଣ୍ଟା ସମୟରେ ବେଲଗୁଣ୍ଠା ନିକଟ ଆମ୍ବପୁଆ ଛକରେ ଦୁଇ ବାଇକ୍ ମୁହାଁମୁହିଁ ଧକ୍କା ହେବା ଫଳରେ ଜଣେ ଗୁରୁତର ହୋଇଥିବା ବେଳେ ଜଣଙ୍କ ହାଡ ଭାଙ୍ଗିଯାଇଥିବା ଜଣାପଡ଼ିଛି ।ମିଳିଥିବା ସୂଚନା ଅନୁଯାୟୀ, ବେଲଗୁଣ୍ଠା ଗୋଲା ସାହିର ସୁକୁରୁ ପାତ୍ରଙ୍କ ପୁଅ ଏମ୍. ସୁଦାମ ପାତ୍ର (୨୪ ) ହିରୋ ଗ୍ଲାମର ବାଇକ (OD32D 0328) କୌଣସି କାମରେ ବେଲଗୁଣ୍ଠା ରୁ ଆମ୍ବପୁଆ ଯାଉଥିବା ବେଳେ ବାଲିପଦର ପଟୁ ଆସୁଥିବା ଭଞ୍ଜନଗର ମାଲସାହିର କାଳିଚରଣ ମହାପାତ୍ରଙ୍କ ପୁଅ ଶାନ୍ତନୁ କୁମାର ମହାପାତ୍ର ହୋଣ୍ଡା ସାଇନ ବାଇକ୍ (OD32J 0422) ସହିତ ଧକ୍କା ହୋଇ ତଳେ ଛିଟିକି ପଡିଥିଲା, ଫଳରେ ସୁଦାମର କାନ ଓ ମୁହଁରେ ଗଭୀର ଆଘାତ ଲାଗି ପ୍ରଚୁର ରକ୍ତସ୍ରାବ ହୋଇଥିଲା । ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରି ବେଲଗୁଣ୍ଠା ମେଡିକାଲରେ ଭର୍ତ୍ତି କରିଥିଲେ । ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ କାର୍ଯ୍ୟରତ ଡ଼ଃ ଅଂଶୁମାନ ଦିକ୍ଷିତ ସୁଦାମର ପ୍ରାଥମିକ ଚିକିତ୍ସା କରିଥିଲେ ।ମୁହଁରୁ ରକ୍ତସ୍ରାବ ବନ୍ଦ ନ ହେବା ଯୋଗୁଁ ସେ ଆମ୍ବୁଲାନ୍ସ ଯୋଗେ ବ୍ରହ୍ମପୁର ସ୍ଥାନାନ୍ତର କରିଥିବା ଜଣାପଡିଛି ।କିନ୍ତୁ ଆମ୍ବୁଲାନ୍ସ ଆସିବା ବିଳମ୍ବ ହେବା ଫଳରେ ସ୍ୱାସ୍ଥ୍ୟକେନ୍ଦ୍ରରେ
ଚାପା ଉତ୍ତେଜନା ସୃଷ୍ଟି ହୋଇଥିଲା । ସେହିପରି କିଛି ଲୋକ ଶାନ୍ତନୁକୁ ଉଦ୍ଧାର କରି ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରିଥିଲେ । ଶାନ୍ତନୁଙ୍କ ଡାହାଣ କଲର୍ ବୋନ୍ ଭାଙ୍ଗି ଯାଇଥିବା ଜଣାପଡିଛି ।
ଖବର ଲେଖା ହେବା ବେଳକୁ ବେଲଗୁଣ୍ଠା ଥାନା ତରଫରୁ ଏଏସ୍ଆଇ ଅନୁ ମଲ୍ଲିକ ଘଟଣାସ୍ଥଳରେ ପହଂଚି ବାଇକ୍ ଦୁଇଟିକୁ ଥାନାକୁ ଆଣିଥିବା ବେଳେ ପୋଲିସ ଘଟଣାର ତଦନ୍ତ କରୁଥବା ସୁଚନା ମିଳିଛି ।