ଦୁଇ ବାଇକ ମୁହାଁମୁହିଁ ଧକ୍କା,ଜଣେ ମୃତ୍ୟୁ ଓ ଜଣେ ଗୁରୁତ୍ତର 

ବୁଗୁଡା,( ଅନିଲ କୁମାର ମହାରଣା): ଗଞ୍ଜାମ ଜିଲ୍ଲା, ବୁଗୁଡା ଥାନା, ବାଲିପଦର ଫାଣ୍ଡି ଅନ୍ତର୍ଗତ ମହୁଲପଲ୍ଲୀ କାଳିଆ ମାଁ ମନ୍ଦିର ନିକଟରେ ସେପ୍ଟେମ୍ବର ୨୮ ତାରିଖ ଦିନ ଦିବା ସାଢ଼େ ଦୁଇଟା ସମୟରେ ଦୁଇଟି ବାଇକ ରେଜିଷ୍ଟ୍ରେସନ ନଂ ଓଡ଼ି.୭.ଭି .୦୨୦୦ ଓ.ଓଡ଼ି.୧୫.ପି.୨୪୭୫ ମୁହାଁମୁହିଁ ଧକ୍କା ହେବାଯୋଗୁଁ ଘଟଣା ସ୍ଥଳରେ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ଅବସ୍ଥାରେ ବ୍ରହ୍ମପୁର ବଡ ମେଡିକାଲକୁ ନିଆଯାଇଛି । ବାଲିପଦରରୁ ଅରଖପୁର ଯିବା ପୂର୍ତ୍ତ ବିଭାଗ ରାସ୍ତାରେ ଅରଖପୁର ଗ୍ରାମର ବୁଲୁ ଜେନା ଓ ଅରୁଣ ସ୍ଵାଇଁ ବାଲିପଦରରୁ ଗ୍ରାମକୁ ଫେରୁଥିବା ବେଳେ ବିପରୀତ ଦିଗରୁ ବାଲିପଦର ଗ୍ରାମର ମଣ୍ଟୁ ପ୍ରଧାନ ଓ ଅନ୍ୟ ଜଣେ ନିଜ ଗ୍ରାମକୁ ଫେରୁଥିବା ବେଳେ ମହୁଲ ପଲ୍ଲୀ ଗ୍ରାମ ମନ୍ଦିର ନିକଟରେ ମୁହାଁମୁହିଁ ଧକ୍କା ହୋଇଥିଲା । ଅରଖପୁର ଗ୍ରାମର ରମେଶ ଜେନାଙ୍କ ପୁଅ ବୁଲୁ ଜେନା (୩୫) ଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ତାଙ୍କ ସହ ବସିଥିବା ଅରୁଣ ସ୍ଵାଇଁଙ୍କୁ ଭଞ୍ଜନଗର ମେଡିକାଲକୁ ନିଆଯାଇଥିଲା | ଚିକିତ୍ସା ପରେ ଅରୁଣ ସ୍ଵାଇଁଙ୍କୁ ଗ୍ରାମକୁ ଅଣାଯାଇଥିଲା ସେ ପୁଣି ଗୁରୁତର ହେବାରୁ ବ୍ରହ୍ମପୁର ବଡ଼ ମେଡିକାଲକୁ ନେଇଥିବା ଜଣାପଡିଛି । ସେହିପରି ଅନ୍ୟ ବାଇକ ଚାଳକ ମଣ୍ଟୁ ପ୍ରଧାନ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ମେଡିକାଲକୁ ନିଆଯାଇଛି । ତାଙ୍କ ସହିତ ବସିଥିବା ବ୍ୟକ୍ତି ଜଣଙ୍କ ମଧ୍ୟ ଆହତ ହୋଇଥିବା ଜଣାପଡିଛି । ଦୁର୍ଘଟଣା ଦେଖି ମହୁଲପଲ୍ଲୀ ଗ୍ରାମବାସୀ ଆମ୍ବୁଲାନ୍ସ ଓ ପୋଲିସକୁ ଖବର ଦେବା ସହ ଆହତ ମାନଙ୍କ ଯତ୍ନ ନେଇଥିଲେ । ଘଟଣା ସ୍ଥଳରେ ବୁଗୁଡା ଥାନା ଆରକ୍ଷୀ ନିରୀକ୍ଷକ ଚିତ୍ତରଞ୍ଜନ ବେହେରା ଓ ବାଲିପଦର ପାଣ୍ଡି ଉପ-ଆରକ୍ଷୀ ନିରୀକ୍ଷକ ନିରଞ୍ଜନ ଦାଶ ପହଞ୍ଚି ମୃତ ବୁଲୁ ଜେନାଙ୍କ ମର ଶରୀରକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଗୁରୁବାର ଆହତ ହୋଇ ସଙ୍କଟାପନ୍ନ ଅବସ୍ଥାରେ ଥିବା ମଣ୍ଡୁ ପ୍ରଧାନଙ୍କୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ପଠାଇଥିଲେ । ଅନ୍ୟ ଦୁଇ ଆହତଙ୍କୁ ମଧ୍ୟ ଚିକିତ୍ସା ପାଇଁ ଭଞ୍ଜନଗର ପଠାଇ ଅନୁସନ୍ଧାନ ଜାରି ରଖିଥିବା ପ୍ରକାଶ କରିଛନ୍ତି ।