ଦୁଇ ବାଇକ ମୁହାଁମୁହିଁ ଧକ୍କା ତିନି ଆହତ

ହାଟଡ଼ିହ, (ବିକାଶ ବିଶ୍ୱାଳ):ଆନନ୍ଦପୁର-ଭଦ୍ରକ ରାସ୍ତାର ଦଧିବାବନପୁର ଛକ ନିକଟରେ ଆଜି ସନ୍ଧ୍ୟାରେ ଦୁଇ ବାଇକ ମଧ୍ୟରେ ମୁହାଁ ମୁହିଁ ଧକ୍କା ହେବା ଦ୍ୱାରା ତିନିଜଣ ଆହତ ହୋଇଥିବା ଜଣାଯାଇଛି । ଜଣେ ବ୍ୟକ୍ତିଙ୍କ ଘର ଫକିରପୁର ବୋଲି ସ୍ଥାନୀୟ ଲୋକମାନେ କହୁଥିବାବେଳେ ଅନ୍ୟ ଦୁଇଜଣଙ୍କ ପରିଚୟ ମିଳିପାରି ନାହିଁ । ଆହତମାନେ ଚେତାଶୁନ୍ୟ ଅବସ୍ଥାରେ ଥିବାରୁ ସେମାନଙ୍କ ପରିଚୟ ମିଳିବା ସମ୍ଭବପର ହୋଇ ନାହିଁ । ଫକିରପୁରର ବାଇକ ଆରୋହୀ ଜଣକ ଭଦ୍ରକ ପଟୁ ଆନନ୍ଦପୁର ଆଡକୁ ଆସୁଥିବାବେଳେ ଅନ୍ୟ ଦୁଇଜଣ ଆନନ୍ଦପୁର ପଟୁ ଭଦ୍ରକ ଆଡକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିବା ପ୍ରତ୍ୟେକ୍ଷ ଦର୍ଶୀମାନେ କହିଛନ୍ତି । ସ୍ଥାନୀୟ ଲୋକମାନେ ଆମ୍ବୁଲାନସ ଡକାଇ ସମସ୍ତଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ପଠାଇବାର ବ୍ୟବସ୍ଥା କରିଛନ୍ତି ।