ଦୁର୍ଘଟଣାରେ ଜଣେ ଗୁରୁତର

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା):ଭଣ୍ଡାରିପୋଖରୀ ବ୍ଲକ ଧାମନଗରଛକ ନିକଟ ମହୁରା ଛକ ଠାରେ ଆଜି ଦୁର୍ଘଟଣା ଘଟି ଜଣେ ଗୁରୁତର ହୋଇଥିବା ଜଣାଯାଇଛି । ଗ୍ରାମର ସୁଲଭ ଚରଣ ଜେନା(୫୫) ଧାମନଗର ଛକରୁ କାର୍ଯ୍ୟସାରି ଦିନପ୍ରାୟ ୧୨.୩୦ମି. ସମୟରେ ଏକ ସାଇକେଲ ଯୋଗେ ଘରକୁ ଫେରୁଥିଲେ । ଠିକ ଏହି ସମୟରେ ଉକ୍ତ ଗ୍ରାମର ଦୁଇଜଣ ଯୁବକ ଏକ ମୋଟରସାଇକେଲ ଯୋଗେ ଦ୍ରୁତଗତିରେ ଯାଇ ସୁଲଭଙ୍କୁ ଧକ୍କା ଦେଇଥିଲେ । ଦୁର୍ଘଟଣା ପରେ ସ୍ଥାନୀୟ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଗୁରୁତରଙ୍କୁ ଭଦ୍ରକ ମୁଖ୍ୟ ମେଡିକାଲକୁ ନେଇଥିଲେ । ସେଠାରେ ପ୍ରାଥମିକ ଚିକିତ୍ସା କରାଯିବା ପରେ ତାଙ୍କୁ କଟକ ପଠାଯାଇଥିବା ଜଣାପଡିଛି । ଦୁର୍ଘଟଣା ଯୋଗୁ ସୁଲଭଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାବେଲେ ଗୋଡ ଭାଙ୍ଗିଥିବା ଜଣାଯାଇଛି ।