ଦୁର୍ଘଟଣାରେ ଫିସେରୀ ଅଫିସ କର୍ମଚାରୀ ଯୁବକ ମୃତ

ଗୋପାଳପୁର, (ରମେଶ କୁମାର ସାହୁ):ଗୋପାଳପୁର ଭି ଆଇ ପି ରୋଡର ରେଉ ସାହି ଛକରେ ଆଜି ଅପରାହ୍ନ ପ୍ରାୟ ୨ ଟା ସମୟରେ ଦୁର୍ଘଟଣାରେ ଜଣେ ଯୁବକଙ୍କ ମୃତ ହୋଇଛି l ମୃତ ଯୁବକ ଜଣଙ୍କ ହେଲେ ମୋନାର୍କ ଛକ ଜଗନ୍ନାଥ ବିହାରରେ ରହୁଥିବା ଅଭିଶେକ ବେହେରା ବୟସ ୨୪ ବୋଲି ପୁଲିସ କହିଛି l ସୂଚନା ପ୍ରକାରେ ଅଭିଶେକ ଦିନ ପ୍ରାୟ ୨ ଟା ସମୟରେ ଗୋପାଳପୁର ଥିବା ଫିସେରୀ ଅଫିସରେ କାର୍ଯ୍ୟରେ ଯୋଗ ଦେବାକୁ ନିଜ ସ୍କୁଟି (ଓଡି ୦୭ ଏଇ ୮୧୮୭) ଯିବା ସମୟରେ ଦୁର୍ଘଟଣା ଶିକାର ହୋଇ ଥିଲେ l ଗୁରୁତର ଅବସ୍ଥାରେ ସ୍ଥାନୀୟ ଲୋକେ ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସରେ ବ୍ରହ୍ମପୁର ମେଡିକାଲ ଚିକିତ୍ସା ନିମନ୍ତେ ପଠାଇଥିଲେ l ସେଠାରେ ଡାକ୍ତର ମୃତ ଘୋଷଣା କରିଥିଲେ l ଏ ନେଇ ଆସିଷ୍ଟାଣ୍ଟ ଫିସର ଅଫିସର ଖୋଗେନ୍ଦ୍ର ନାଥ ରଣା ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ ଏକ ମାମଲା ରୁଜୁ କରି ସ୍କୁଟିକୁ ଜବତ କରିବା ସହ ତଦନ୍ତ କରୁଥିବା ପୁଲିସ କହିଛି l