ଦୁର୍ବୃତ୍ତ ଙ୍କ ଗୁଳି ମାଡ଼ ରେ ଚିକିତ୍ସାଧୀନ ଅବସ୍ଥାରେ ମା ମୃତ ଝିଅ ଗୁରୁତର

କଳାହାଣ୍ଡି, (ଯୁଗାବ୍ଦ ନ୍ୟୁଜ):କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ ର ରଣପୁର ଗାଁ ରେ ଅଭାବନୀୟ ଘଟଣା । ଗତକାଲି ସନ୍ଧ୍ୟାରେ ଜେମାଦେଇ(୩୯) ଓ ତାଙ୍କ ଝିଅ ଦିବ୍ୟା ମାଝୀ(୯) ପାହାଡ଼ ଉପରେ ଥିବା ନିଜ ଚାଷଜମି କୁ ଯାଇଥିବା ବେଳେ ସେଠାରେ ସେମନେ ଗୁଳିକାଣ୍ଡ ର ଶିକାର ହେଇଥିଲେ । ପ୍ରଥମେ ଗାଁ ବୈଦ୍ୟ ଙ୍କ ପାଖରେ ଚେରିମୂଳି ଔଷଧ ଦିଆଯାଇଥିବା ବେଳେ ରକ୍ତଶ୍ରାବ ବନ୍ଦ ନ ହେବାରୁ ତାଙ୍କୁ ବିଳମ୍ବିତ ରାତିରେ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟ କୁ ଅଣାଯାଇଥିଲା । ସେଠାରେ ଦୁହିଁଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବୁର୍ଲା ସ୍ଥାନାନ୍ତରିତ କରାଯାଇଥିଲା । ଆଜି ସକାଳୁ ଜେମା ଦେଇ ଙ୍କ ମୃତ୍ୟୁ ଘଟିଥିବା ବେଳେ ଝିଅ ଦିବ୍ୟା ଗୁରୁତର ଥିବା ଜଣାପଡ଼ିଛି । ଗୁଳିକାଣ୍ଡ କିଏ କଲା ତାହା ଏଯାଏଁ ଜଣାପଡି ନଥିବା ବେଳେ ଘଟଣାସ୍ଥଳରେ କର୍ଲାପାଟ ପୋଲିସ ର ତଦନ୍ତ ଜାରି ରହିଛି ।