ଧବଳପୁର ମଣ୍ଡଳ ସଭାପତି ହେଲେ ଜିତେନ୍ଦ୍ର

ଶେରଗଡ, (ଅନୀଲ କୁମାର ପଣ୍ଡା):ଗଞ୍ଜାମ ଜିଲ୍ଲାର ବିଭିନ୍ନ ମଣ୍ଡଳ ଲାଗି ସଭାପତି ଚୟନ ହୋଈଯାଈଛି। ଦଳର ରାଜ୍ୟ ନିର୍ବାଚନ ଅଧିକାରୀ ପ୍ରତାପ ଷଢଙ୍ଗୀ ଏହି ତାଲିକା ଘୋଷଣା କରିଛନ୍ତି। ଏହି ପରିପ୍ରେକ୍ଷୀରେ ଶେରଗଡ ବ୍ଲକ ର ଧବଳପୁର ମଣ୍ଡଳ ସଭାପତି ଭାବେ ଜିତେନ୍ଦ୍ର ମହାରଣା ଙ୍କ ନାମ ଘୋଷଣା କରାଯାଇଛି। ତାଙ୍କୁ ଏହି ଦାୟିତ୍ୱ ମିଳିବା ପରେ ଧବଳପୁର ମଣ୍ଡଳ ରେ ଭାଜପା ଦଳକୁ ଆହୁରି ମଜଭୂତ କରିବାରେ ପଦକ୍ଷେପ ନେବେ ବୋଲି ସେ ପ୍ରକାଶ କରିବା ସହ ସମସ୍ତ ଦଳୀୟ କର୍ମୀ ଙ୍କ ସହ ଆଲୋଚନା କରି ସମସ୍ତ ଙ୍କୁ ନେଇ ଦଳ ଲାଗି କାର୍ଯ୍ୟ କରିବେ ବୋଲି ପ୍ରକାଶ କରିଛନ୍ତି। ଆଗାମୀ ଦିନ ରେ ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବାକୁ ଥିବାରୁ ଦଳକୁ ସୁଦୃଢ କରିବା ସହ ନିର୍ବାଚନ ରେ ଭଲ ପ୍ରଦର୍ଶନ କରିବ ବୋଲି ସେ ଆଶା ରଖିଥିବା ପ୍ରକାଶ କରିଛନ୍ତି। ସେହିଭଳି ଶେରଗଡ ମଣ୍ଡଳ ସଭାପତି ଭାବେ ସଞ୍ଜୟ ଜେନା ଙ୍କ ନାମ ଘୋଷଣା ହୋଈଥିବା ବେଳେ ପିତ୍ତଳ ମଣ୍ଡଳ ସଭାପତି ବିଜୟ ପ୍ରଧାନ ଙ୍କ ନାମ ଘୋଷଣା କରାଯାଇଛି।