ନାଉଗାଁରେ ମା’ଶ୍ୟାମାକାଳୀ ପୂଜା

ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ବ୍ଲକର ବିଭିନ୍ନ ସ୍ଥାନରେ ଯଥାରୀତି ପୂର୍ବକ ଗୁରୁବାର ଠାରୁ ମା’ଶ୍ୟାମାକାଳୀଙ୍କ ପୂଜା ଅନୁଷ୍ଠିତ ହୋଇଯାଇଛି । ଏହି ଅବସରରେ ଡେରିକି ପଂଚାୟତର ଡେରିକି, ଘୋଡାଂଶ ପଂଚାୟତର ଘୋଡାଂଶ ଓ ପାଇକସାହି, ଶିଖର ପଂଚାୟତର ସାରେଇକୂଳ ଆଦି ସ୍ଥାନରେ ମା’ଙ୍କର ମୃଣ୍ମୟ ମୂର୍ତିକୁ ସ୍ଥାପନ କରାଯାଇ ପୂଜାର୍ଚ୍ଚନା କରାଯାଉଛି । ଏହି ଅବସରରେ କଳସ ଶୋଭାଯାତ୍ରା କରାଯିବା ସହ ରୀତିନିତି ଅନୁସାରେ ପୂଜା କରାଯାଊଛି । ଏହି ମଣ୍ଡପ ଗୁଡିକୁ ଆକର୍ଷଣୀୟ କରିବା ପାଇଁ ବିଭିନ୍ନ ପ୍ରକାର ରଙ୍ଗବେରଙ୍ଗ ଆଲୋକମାଳାରେ ସୁସଜ୍ଜିତ କରାଯାଇଛି । ମଣ୍ଡପ ଗୁଡିକ ନିକଟରେ ସନ୍ଧ୍ୟାରେ ବିଭିନ୍ନ ଅଧ୍ୟାତ୍ମିକ ଓ ସାଂସ୍କୃତିକ କାର୍ଯ୍ୟକ୍ରମମାନ କରାଯାଉଥିବା ବେଳେ ଆଖପାଖ ଅଂଚଳରୁ ବହୁ ଶ୍ରଦ୍ଧାଳୁଙ୍କର ସମାଗମ ହେଉଥିବାର ଦେଖାଯାଇଛି । ଏହି ଉପଲକ୍ଷେ ସାରେଇକୂଳସ୍ଥିତ ମା’ଶ୍ୟାମାକାଳୀ ନାଟ୍ୟ ପରିଷଦ ପକ୍ଷରୁ ଦୁଇ ଦିନ ଧରି ଡ୍ରାମା କାର୍ଯ୍ୟକ୍ରମ ରହିଥିବା କମିଟି ପକ୍ଷରୁ ସୂଚନା ପ୍ରଦାନ କରାଯାଇଛି । ସେହିପରି ଡେରିକି ପୂଜା କମିଟି ପକ୍ଷରୁ ଡ୍ୟାନସ ଓ ମେଲୋଡି କାର୍ଯ୍ୟକ୍ରମ ରହିଥିବା କମିଟି ତରଫରୁ ସୂଚନା ଦିଆଯାଇଛି ।