ନାଉଗାଁ ପ୍ରତିଭା ବିକାଶ ପରିଷଦ ତରଫରୁ ମ୍ୟାଟ୍ରିକ୍ ଛାତ୍ରୀଛାତ୍ରଙ୍କୁ ସମ୍ବର୍ଦ୍ଧନା

ନାଉଗାଁ : ଚଳିତ ମାଟ୍ରିକ ପରୀକ୍ଷାରେ ନାଉଗାଁ ବ୍ଲକରୁ ତିନି ଜଣ ଛାତ୍ରଛତ୍ରୀ ଏ-୧ରେ କୃତ କାର୍ଯ୍ୟ ହୋଇ ବ୍ଲକ ପାଇଁ ଗୌରବ ଅର୍ଜନ କରିଛନ୍ତି । ନାଉଗାଁହାଟ ଉଚ୍ଚ ବିଦ୍ୟାଳୟର ଛାତ୍ରୀ ଶୁଭ୍ରା ଶେଫାଳିକା ପରିଡା ୫୬୧ ନମ୍ବର, ଛାତ୍ର ରୁଦ୍ରନାରାୟଣ ଦାସ ୫୫୧ ନମ୍ବର ରଖିଥିବା ବେଳେ କମଳଲୋଚନ ହାଇସ୍କୁଲ୍ ଶୁଦ୍ଧକଣ୍ଠିର ଏନ୍.ଏମ୍ ଅମ୍ଲାନ ୫୪୬ ନମ୍ବର ରଖି କୃତକାର୍ଯ୍ୟ ହୋଇଛନ୍ତି । ପ୍ରତିଭା ବିକାଶ ପରିଷଦ,ନାଉଗାଁ ତରଫରୁ ଏହି କୃତୀ ଛାତ୍ରଛାତ୍ରୀ ମାନଙ୍କ ଘରକୁ ଯାଇ ପୁଷ୍ପଗୁଛ ସହିତ ଉତରୀୟ ଦେଇ ସମ୍ବର୍ଦ୍ଧନା କରାଯାଇଥିଲା । ଉକ୍ତ ସମ୍ବର୍ଦ୍ଧନା ଉତ୍ସବରେ ଅବସରପ୍ରାପ୍ତ ଶିକ୍ଷକ ବଂଶୀଧର ବେହେରା, ଶିକ୍ଷକ ଅକ୍ଷୟ କୁମାର ରାଉତ, ବସନ୍ତ କୁମାର ଦାସ, ତ୍ରିଲୋଚନ ପାଢୀ, ପ୍ରସନଜିତ ସାହୁ ପ୍ରମୁଖ ସାମିଲ ଥିଲେ ।