ନାଉଗାଁ ବ୍ଲକ ବିଜେଡି ପକ୍ଷରୁ ମାସ୍କ,ସାନିଟାଇଜର ଓ ଶୁଖିଲା ଖାଦ୍ୟ ବଂଟନ
ନାଉଗାଁ, (ଓ୍ୱାଇଏନ୍ଏସ): ନାଉଗାଁ ବ୍ଲକ ବିଜୁ ଜନତା ଦଳ ପକ୍ଷରୁ ମାସ୍କ,ସାନିଟାଇଜର ଓ ଶୁଖିଲା ଖାଦ୍ୟ ବୁଧବାର ବଂଟନ କରାଯାଇଛି । ବ୍ଲକ ସଭାପତି ସୁଜିତ ମଲ୍ଲିକଙ୍କ ନେତୃତ୍ୱରେ ବ୍ଲକର ବିଭିନ୍ନ ବସ୍ତିବାସିନ୍ଦାମାନଙ୍କୁ ଭେଟି କରୋନା ଉପରେ ସଚେତନ କରିବା ସହିତ ମାସ୍କ,ସାନିଟାଇଜର ଓ ଶୁଖିଲା ଖାଦ୍ୟ ବଂଟନ କରିଥିଲେ । ମହାମାରୀ କରୋନା ବିରୋଧରେ ସଂଗ୍ରାମ କରି ଜନସାଧାରଣମାନଙ୍କୁ ସୁରକ୍ଷା ଦେଉଥିବା ପୋଲିସଙ୍କୁ କରୋନା ଯୋଦ୍ଧା ଭାବେ ନାଉଗାଁ ଥାନା ଆଇଆଇସି ଗୋବର୍ଦ୍ଧନ ସାହୁଙ୍କୁ ସମ୍ବର୍ଦ୍ଧିତ କରିବା ସହିତ ଥାନା କର୍ମଚାରୀଙ୍କୁ ସାନିଟାଇଜର ଓ ମାସ୍କ ପ୍ରଦାନ କରି ସାଧୁବାଦ ଜଣାଇଥିଲେ । ଏହି କାର୍ଯ୍ୟକ୍ରମରେ ଛାତ୍ର ବିଜେଡି ଜିଲ୍ଲା ଉପସଭାପତି ଆଲୋକ ମହାନ୍ତି, ବ୍ଲକ ଛାତ୍ର ସଭାପତି ପୃଥୀରାଜ ମହାନ୍ତି, ସ୍ୱରାଜ ପରିଜା, ରଶ୍ମିକାନ୍ତ ରାଉତ, ଜ୍ଞାନ ସାହୁ, ଲୋକନାଥ ଦାସ, ସୁଧୀର ଦାସ ଓ ବିଦ୍ୟରଂଜନ ଲେଙ୍କା ପ୍ରମୁଖ ପରିଚାଳନା କରିଥିଲେ ।
