ନାଉଗାଁ ବ୍ଳକରେ ଗୋପବନ୍ଧୁ ଜୟନ୍ତୀ ପାଳିତ

ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ନାଉଗାଁ ବ୍ଳକରେ ବୁଧବାର ଉତ୍କଳମଣୀ ଗୋପବନ୍ଧୁ ଦାସଙ୍କ ଜୟନ୍ତୀ ପାଳନ କରାଯାଇଛି । ଏହି ଅବସରରେ ନାଉଗାଁ ବଜାରରେ ଥିବା ଗୋପବନ୍ଧୁଙ୍କ ପ୍ରତିମୂର୍ତିରେ ଉତ୍କଳମଣୀ ଶିଶୁ ଶିକ୍ଷା ମନ୍ଦିରର ପିଲାମାନେ ପୁଷ୍ପଗୁଚ୍ଛ ପ୍ରଦାନ କରିଥିଲେ । ପରେ ଜୟନ୍ତୀ କମିଟିର ଆବାହକ ତଥା ସାମାଜିକ କର୍ମୀ ସୁବାସ ସ୍ୱାଇଁଙ୍କ ନେତୃତ୍ୱରେ ଗୋପବନ୍ଧୁଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରାଯାଇଥିଲା । ଏହି କାର୍ଯ୍ୟକ୍ରମରେ ବାଉଁଶ ଯୋଡି ଅଳକା-ଗୋବରୀ ବୁଡି ଅଂଚଳ ସୁରକ୍ଷା କ୍ରିୟାନୁଷ୍ଠାନ କମିଟିର ଆବାହକ ରମେଶ ଚନ୍ଦ୍ର ବେହୁରା, ଦିଲିପ ପାଢୀ, ପ୍ରତାପ ବେହୁରା, ସଂଜୟ ସ୍ୱାଇଁ, ମଳୟ ସ୍ୱାଇଁ, ପ୍ରିୟଦର୍ଶନ ରଥ, ଜ୍ଞାନ ରଂଜନ ପଣ୍ଡା ପ୍ରମୁଖ ଯୋଗ ଦେଇ ଉତ୍କଳମଣୀଙ୍କର ଅବାଦନ ସଂପର୍କରେ ଆଲୋକପାତ କରିଥିଲେ । ପରେ ବାଉଁଶଯୋଡିରୁ ଉଦବୃତ ଜଳ ନିଷ୍କାସନ ପାଇଁ ସ୍ମାରକପତ୍ରରେ ଗଣ ଦସ୍ତଖତ ସଂଗ୍ରହ କରାଯାଇଥିଲା ।