ନାଉଗାଁ ବ୍ଳକରେ ଶ୍ରୀରାମ ମନ୍ଦିର ନିର୍ମାଣାର୍ଥେ ନିଧି ସଂଗ୍ରହ ଅଭିଯାନ
ନାଉଗାଁ,(ଓ୍ବାଇଏନ୍ଏସ୍): ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ଶ୍ରୀରାମ ମନ୍ଦିର ନିର୍ମାଣାର୍ଥେ ନିଧି ସଂଗ୍ରହ ଅଭିଯାନ ପବିତ୍ର ମକର ସଂକ୍ରାନ୍ତି ଗୁରୁବାର ନାଉଗାଁ ବ୍ଳକରେ ଆରମ୍ଭ କରାଯାଇଛି । ଏହି ନିଧି ଗ୍ରହଣ ପ୍ରଥମେ ଓଡିଶା ସାଧୁସନ୍ଥ ସମାଜର ସଭାପତି ମହନ୍ତ ଚିନ୍ତାମଣୀ ପର୍ବତ ଗୋସ୍ୱାମୀ ଶୁଭାରମ୍ଭ କରିଥିଲେ । ନାମ ସଂକୀର୍ତନ କରାଯିବା ସହ ରାମ ଭକ୍ତମାନେ ଜୟ ଜୟ ରାମ ଧ୍ୱନୀରେ ସଂକୀର୍ତନ କରି ଗ୍ରାମ ପରିକ୍ରମା କରିଥିଲେ । ଗୋଠଦା ମଠରୁ ଏହି ନିଧି ସଂଗ୍ରହ ଅଭିଯାନ ଆରମ୍ଭ କରାଯାଇ ତିହୁଡାସ୍ଥିତ ମା’ଜାଗୁଳାଇ ପୀଠରେ ଶେଷ କରାଯାଇଥିଲା । ଏହି କାର୍ଯ୍ୟକ୍ରମରେ ମହନ୍ତଙ୍କ ସମେତ ବ୍ରହ୍ମଚାରୀ ବାବା ସତ୍ୟାନନ୍ଦ ଦାସ, ଉପେନ୍ଦ୍ର ବିଶ୍ୱାଳ, ନିଲୁରାମ ଜେନା, ପ୍ରବୋଧ କୁମାର ମହାନ୍ତି, ବାବାଜୀ ଚରଣ ଦାସ, ନଗେନ ମଲ୍ଲିକ, ମନୋଜ ପରିଡା, ରତ୍ନାକର ତରାଇ,କୃଷ୍ଣଚନ୍ଦ୍ର ସାମଲ, ପଦ୍ମ ଚରଣ ସାସମଲ, କ୍ଷେତ୍ର ମୋହନ ସାହୁ, ବିଭୂତି ଭୂଷଣ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ । ବ୍ଳକର ପ୍ରତ୍ୟେକ ଗ୍ରାମରେ ପର୍ଯ୍ୟାୟ କ୍ରମେ ଏହି ନିଧି ସଂଗ୍ରହ କାର୍ଯ୍ୟକ୍ରମ କରାଯିବ ବୋଲି ନିଲୁରାମ ଜେନା ସୂଚନା ଦେଇଛନ୍ତି ।
