ନାଉଗାଁ ବ୍ଳକର ଦିବ୍ୟଜ୍ୟୋତି ବେହେରା ଓସିଏସ୍ ପରୀକ୍ଷାରେ କୃତକାର୍ଯ୍ୟ
ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ବ୍ଳକର ଡେରିକି ପଂଚାୟତ ଅନ୍ତର୍ଗତ ଗଂଗଦା (ପାଇକସାହି) ଗ୍ରାମର ଦିବ୍ୟଜ୍ୟୋତି ବେହେରା ଓଡିଶା ପ୍ରଶାସନିକ ସେବା (ଓସିଏସ୍) ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଦିବ୍ୟଜ୍ୟୋତି ଓଡିଶା ପ୍ରଶାସନିକ ସେବା ପରୀକ୍ଷାରେ ପ୍ରଥମ ଚେଷ୍ଟାରେ ୫୩୬ତମ ସ୍ଥାନ ଅଧିକାର କରଛନ୍ତି । ସେ କଟକସ୍ଥିତ ନୂଆବଜାର ସରସ୍ୱତୀ ଶିଶୁ ମନ୍ଦିରରୁ ଦଶମରେ କୃତକାର୍ଯ୍ୟ ହେବା ପରେ ରେଭେନସା କଲେଜରେ ଯୁକ୍ତ ୨ ବିଜ୍ଞାନ ଓ ଯୁକ୍ତ ୩ ରେ ରସାୟନିକ ବିଜ୍ଞାନରେ କୃତକାର୍ଯ୍ୟ ହୋଇଥିଲେ । ପରେ ବିନା କୋଚିଂରେ ଦିନକୁ ୭ -୮ ଘଂଟା ପରିଶ୍ରମ କରି ଉକ୍ତ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଦିବ୍ୟଜ୍ୟୋତିଙ୍କ ପିତା କ୍ଷେତ୍ରମୋହନ ବେହେରା ପୁରୀଘାଟ ଥାନାରେ କନେଷ୍ଠବଳ ଭାବେ କାର୍ଯ୍ୟରତ ଥିବା ବେଳେ ମାତା କବିତା ବେହେରା ଜଣେ ଗୃହିଣୀ ଅଟନ୍ତି । ଉକ୍ତ ପରୀକ୍ଷାରେ କୃତକାର୍ଯ୍ୟର ଶ୍ରେୟ ଭଗବାନଙ୍କୁ ଦେବା ସହ ପିତା ମାତା ଓ ଗୁରୁଜନମାନଙ୍କୁ ଦେଇଛନ୍ତି । ରାଜ୍ୟ ସରକାର ଯେଉଁ ଦାୟିତ୍ୱ ଦେବେ ତାକୁ ଠିକ୍ ଭାବେ ପାଳନ କରିବେ ବୋଲି କହିଛନ୍ତି ।
